.jpg)
جوزجان ولایتی آقچه تومنینینگ قوم بویوکلریدن بیرقطارینینگ ولایت بناسی برابریده توپلنیب ایتیشیچه، اوشبو ولایت تومنلریده قیتهدن سیلاو یولگه قویلیش اوچون حکومت دقت قیلمهگن صورتده، دولت بیلن علاقهلرینی کیسیب و جوزجان- بلح قتناو یولینی باغلهیدلر.
ناراضچیلرنینگ ایتیشیچه، امنیتی مسووللر آقچه، منگجیک، قرقین، خماب و خانقاه تومنیلرینینگ خوفسیزلیگینی تامینلش اوچون سعی و حرکت قیلمهگن و اوشبو تومنلرگه قرشی سیاسی حرکت صورت تاپگن.
اولرنینگ ایتیشیچه، بو سیلاونی قبول قیلمهیدیلر و اوشبو تومنلر اهالیسیگه آواز بیریش زمینهسی ییرهتیلمهگن صورتده، یوز بیرهدیگن واقعهلرنینگ مسوولیتی مرکزی و محلی حکومت بوینیگه دیر.
.jpg)
جوزجان حاکمی لطفالله عزیزینینگ اوشبو تومنلر یشاوچیلریگه ایشانچ بیریب ایتیشیچه، سیلاولر ایرکین کمیسیونی قیتهدن سیلاو یولگه قویشنی ایستهگن صورتده، اوشبو منطقهلر خوفسیزلیگی تامین ایتیلهدی.
جوزجان ولایتیده سیلاولر ایرکین کمیسیونینینگ مسوولی حمیدالله بلوچنینگ ایتیشیچه، آقچه تومنی یشاوچیلرینینگ پیشنهاد و شکایتلرینی اوشبو کمیسیون مرکزی دفتری بیلن شریک قیلهدی.
سیلاو کونیده قورالی طالبلرنینگ هجوملری باعث، جوزجان ولایتینینگ قطار تومنلرینی یشاوچیلری سیلاوگه اشتراک قیلیشدن محروم قالگن.
