جوزجاننینگ قرقین و منگجیک تومنلریده قمراوده قالگن سیلاولر ایرکین کمیسیونینینگ قطار ایشلاوچیلرینی آگاهلنتیریشیچه، حکومت ایرته گچه اولرنینگ انتقال بیریش اوچون اقدام قیلمهگن صورتده، سیلاو موادلرینی طالبلرگه تاپشیریب و اوزلری خودکشلیک قیلهدیلر.
شونینگدیک، ناراضیلیک بیلدیرگن جوزجان مدنی فعاللری و سیلاولر ایرکین کمیسیونینینگ ایشلاوچیلرینی عایله اعضالریدن بیرقطارینینگ ایتیشیچه، حکومت 250 داعشنی جوزجاننینگ درزاب تومنیدن انتقال بیریش اوچون اوچاق یوبارهدیغ بیراق سیلاولر ایرکین کمیسیونینینگ 30 ایشلاوچیسینی انتقال بیریش اوچون هیچ ایش قیلمهیدی.
جوزجاننینگ قرقین و منگجیک تومنلریده سیلاولر ایرکین کمیسیونینینگ ایشلاوچیلرینی یمان وضعیتیدن خواطر بیلدیرگن تیفا دفتری مسؤولی نقیبالله اسحاقزینینگ ایتیشیچه، بیزلر سیلاونینگ حساس موادی توغریسیده هم خواطرده میز و بو موادنی اوستیگه نیمه بولیشی بیللی ایمس دیر.
جوزجان ولایتیده سیلاولر ایرکین کمیسیونینینگ ولایتی دفترینی سرپرستی حمیدالله بلوچ، حاضرگچه ایکی تومندن کمیسیون ایشلاوچیلری و سیلاو موادی انتقال بیریلمهگنینی تصدیقلیدی؛ بیراق ایتیشیچه، سیلاولر ایرکین کمیسیونینینگ مرکزی دفتری، ایشلاوچیلر انتقال بیریلیشی اوچون ایرتهنی سونگی مهلت تعیین قیلگن.
قرقین و منگجیک جوزجاننینگ اینگ ناتینچ تومنلریدن سنلهدی. نمایندهلر کینگشینینگ سیلاو کونیده قرقین تومنیده یالغیز 3 آواز و منگجیک تومنیده 12 آواز صندوققه توشگن.
