افغانستان جمهورلیک ریاست سیلاوی یولگه قوییلیشی گه یالغیز 75 کون قالگن، بیراق سیلاو ایرکین کمیسیونی نیاز بولگن بایومتریک اسکونهلرینی حاضرگچه ساتیب آلمهگن.
سلاموطندارگه صحبت بیرگن سیلاو ایرکین کمیسیونی دبیرخانه باشلیغی حبیبالرحمان ننگ نینگ ایتیشیچه، حسابات مرکزی ادارهسی سیلاو ایرکین کمیسیونی گه 21 مینگ بایومتریک اسکونهسی بیرگن، بیراق بو جمهورلیک ریاست سیلاوی یولگه قوییلیشی اوچون ییترلی ایمس دیر و اولر چیتایلدن کوپراق اسکونه ساتیب آلیش گه مجبور بولهدی.
اونگه کوره، بایومتریک اسکونهلری ساتیب آلینیشی خصوصیده جدی شکلده سعی و حرکتلر دوام ایتماقده.
سیلاو ایرکین کمیسیونی دبیرخانه باشلیغی نینگ کوپهیتیریشیچه، بو کمیسیون ایشلاوچیلرنی بایومتریک اسکونه سیگه آشنا قیلیش اوچون اورگتیش برنامه هم باشلهگن.
افغانستان بوییچه شفاف سیلاو بنیادی یا-ده «تیفا» باشلیغی نعیم ایوبزاده، سیلاو جریانیده بایومتریک اسکونهلریدن فایدهلنیش و فنی قیینچیلیکلر توغریسیده خواطر بیلدیریب ایتیشیچه، بایومتریک اسکونهلریدن قندهی بیر شکلده فایدهلنهدی، بو اسکونهلر قندهی مدیریت قیلینهدی، اسکونهلر نیچه مرکزگه یوباریلهدی و بو اسکونهلر بوتون محلهلرده قوییلهدیمی یا-ده یوق؟ جواب تاپیلمهگن سوراقلر بولگن.
شونینگدیک، افغانستان بوییچه ایرکین و عدالتلی سیلاو بنیادی یا-ده «فیفا» باشلیغی یوسف رشیدنینگ ایتیشیچه، سیلاو ایرکین کمیسیونی نینگ قیینچیلیکلری یانیده، فرصتلری هم بار و اولردن فایدهلنیشی کیرهک.
اوشبو موضوعلر بیان ایتیلگن بیرچاغده، نمایندهلر کینگشی نینگ سیلاوی جریانیده یوز بیرگن بحران گه قرهگنده، جمهورلیک ریاست نامزدلریدن بیرقطاری و یشاوچیلر، سیلاو جمهورلیک ریاست سرایی تامانیدن مهندسلیک بولیشیدن خواطر بیلدیرهدیلر.
