افغانستان سیلاولر ایرکین کمیسیونینینگ رسمیلری، مذکور کمیسیونده فساد موجودلیگی خصوصیده، چاپی میدیالردن بیریده نشر ایتیلگن مطلبدن تنقید قیلیب ایتیشیچه، بوندهی مطلبلر نشر ایتیلیشی ملی بیرلیک و میدیالرنینگ تخصصی ایشی گه قرشی دیر.
سیلاولر ایرکین کمیسیونینینگ باشلیغی گلاجان عبدالبدیع صیادنینگ ایتیشیچه، هر بیر نامزدنینگ سیلاولر ایرکین کمیسیونی گه قرشی حجتی و مدرکی بولگنده، اونی باش قارهلاوچیلیک و عدلی و قضایی ادارهلریگه تاپشیریب و قانونی یولدن عمل قیلیشلری کیرهک.
صیادنینگ کوپهیتیریشیچه، یالغیز بیر میدیاده سیلاولر ایرکین کمیسیونیده فساد موجودلیگی خصوصیده، گزارش نشر قیلیش مشخص بیر نامزد تامانیدن انتقام آلیشنی کورستهدی.
سیلاولر ایرکین کمیسیونینینگ باشلیغی گه کوره، طرف نظرگه آلینمسدن بوندهی بیر مطلب نشر قیلینیشی دولتی و رسمی بیر ادارهنینگ ایشانچینی سوراققه دوچ قیلهدی.
اوتگن ایکی کون جریانیده چاپی میدیالردن بیرقطاری، سیلاولر ایرکین کمیسیونیده کینگ موجودلیگیدن دلالت بیرهدیگن مطلبلرنی نشر قیلگنلر.
میدیالردن بیری، کابل ولایتیده نمایندهلر کینگشی سیلاوینینگ نامزدلریدن بیری محمدلایق ملکزاده دن نقل قیلیب یازیشیچه، سیلاولر ایرکین کمیسیونی نمایندهلر کینگشی نامزدلرینینگ بیریدن 500 مینگ دالر طلب قیلگن.
