سیلاو شکایتلرینی تینگلش کمیسیونی مسئوللری نینگ ایتیشلریچه، شکایتلردن 90 فایزی کاپی بولیب ولایتلرگه یوباریلگن و شونینگدیک ولایتلرده شکایتلرنی اجرهتیش باسقیچی یکونلنگن. اولرگه کوره، بوگون یا-ده ایرته شکایتلرنی تیکشیریش باسقیچی باشلنهدی.
سیلاولردن نظارت قیلووچی نهادلرنینگ ایتیشیچه، کمیسیون توغری یول گه کیتماقده.
سیلاولر شکایتلرینی تینگلش کمیسیونی سوزلاوچیلریدن بیری زرمینه حقجو کاکر نینگ سلاموطندارگه ایتیشیچه، ولایتلرنینگ شکایتلریدن 75 فایزی کابل ده قید ایتیلگن و سیلاو شکایتلرینی تینگلش کمیسیونی اوتگن نیچه کونده شکایتلردن 90 فایزی نی کاپی قیلگن.
خانم کاکر گه کوره، سیلاو شکایتلرینی تینگلش کمیسیونی نینگ دسته بندلیگی اساسیده، سیلاو تیملری نینگ شکایتلری بولردن عبارت: نتیجه فورمی بیلن بایومتریکلی آوازلرنینگ فرقی، خاص بیر نامزدنینگ نفعی گه آوازلر کوپهیتیریش، خاص بیر نامزدنینگ ضرری گه آوازلرنی کمهیتیریش، بیر نامزدنینگ آوازلرینی باشقه نامزدنینگ نفعی گه سنهش، تعیین ایتیلگن زماندن تشقری آواز بیریش، بایومتریک سیز آوازلر، سببسیز آواز بیریش محلنی بیکار قیلیش، نتیجه فورمی نی یوقاتیش، آوازلر قیته سنهلگنیدن سونگ، نتیجه فورمینی اوزگرتیریش، شبهلی آوازلر، بایومتریک اسکونه خصوصیده بولینگن شکایتلر، شکایت برابریده شکایت، سیلاو کمیسیونی نینگ ایشلاوچیلرینی طرفدارلیگی، نظارتچیلرنینگ غیابیده آوازلرنی سنهش.
زرمینه حقجو کاکر نینگ ایتیشیچه، شکایتلرنی تیکشیریش قانون اساسیده تعیین ایتیلگن 15 کونده یکونلنمهسی ممکن. اونگه کوره، 16 مینگ و 500 شکایت آرهسیده باشقه 50 الی 100 شکایت کیریتیلیشی ممکن.
سیلاو قانونی اساسیده، سیلاو شکایتلرینی تینگلش کمیسیونی 15 کون جریانیده شکایتلرنی تیکشیریشی کیرهک.
شو توغریده:
- شکایتلرنی تینگلش کمیسیون: شکایتلر تیکشیریلیشیگه تعیین ایتیلگن زمان ییتمهیدی
حکمتیار: سیلاونینگ دستلبکی نتیجهسی بیمعنا دیر
افغانستان ایرکین و عدالتلی سیلاو بنیادی (فیفا) سوزلاوچیسی سمیرا رسا نینگ سلاموطندارگه ایتیشیچه، اولرنینگ تیکشیرووی اساسیده، سیلاو شکایتلرینی تینگلش کمیسیونی حاضرگچه ایشلرینی یخشی بجرگن.
خانم رسا گه کوره، سیلاو شکایتلرینی تینگلش کمیسیونی تاریخ نی نقض قیلمهی و مذکور کمیسیون سیلاو تیملری و اهالی برابریده ایشانچی نی قولدن بیرمهسی اوچون سعی و حرکت قیلیشی کیرهک.
جمهورلیک ریاست سیلاو دستلبکی نتیجه اعلام ایتیلیشی سیلاوی تیملرنینگ جدی عکسالعمللریگه روپهرو بولدی و سیلاو تیملردن کوپینچهسی نتیجه نی قبول قیلمهی و اونینگ بیللی بیر تیم منفعتی گه دیگنلر.
