سیلاو ایرکین کمیسیونی نینگ اعضاسی مولانا عبدالله نینگ اوتگن کونی فیسبوک صحیفهسیده، یازیشیچه، 14 مینگ بایومتریک اسکونهدن 22400 معلومات سیلاو ایرکین کمیسیونی نینگ معلوماتی مرکزیگه انتقال بیریلگن ایدی، بیراق بوگون "چهارشنبه" سیلاو ایرکین کمیسیونی مسووللری نینگ ایتیشیچه، 22445 معلومات انتقال بیریلگن.
جناب عبدالله نینگ فیسبوک صحیفهسیده یازیشیچه، وضعیت بوندهی دوام قیلگن صورتده، جمهورلیک ریاستی سیلاوی نینگ بیرینچی نتیجهسی تعیین ایتیلگن زمانده اعلان ایتیلمهیدی.
سیلاو ایرکین کمیسیونی معلوماتیگه کوره، هر کونده 5000 بایومتریک اسکونهسی نینگ معلوماتینی سیلاو معلوماتی مرکزیگه انتقال تاپیشی کیرهک، بیراق شو کونلرده یالغیز 40 یا-ده 50 معلومات انتقال بیریلهدی.
سیلاو ایرکین کمیسیونی نینگ تکنالوژی بولیمی باشلیغی کبیر پناهی نینگ سلاموطندارگه ایتیشیچه، بو لایحه نینگ استه-سیکینلیگی باعث، افغانستان سیلاوی سیستمهسی نینگ ریجهلنتیرگن آلمانلیک شرکت مسووللریدن کابلگه کیلیشینی طلب قیلگنلر.
سیلاو نظارتچیلری هم انتقال لایحهسی نینگ استه-سیکینلیگیدن تنقد قیلگنلر. نظارتچیلردن بیری یونس نواندیش نینگ ایتیشیچه، نیچه کوندن بویان یابومتریک اسکونهلری نینگ معلوماتی سیلاو معلوماتی مرکزیگه انتقال بیریلمهریدی و بو وضعیت دوام قیلگن صورتده، سیلاو نتیجهسی تعیین ایتیلگن زمانده اعلان ایتیلمهیدی.
