کابل حوزهسیده اوتکزیلگن سیلاو آوازلری حاضرگچه کوپلب تارتیشوولرگه سبب بولدی. کابل حوزهسیده سیلاولر ایرکین کمیسیونینینگ ولایتی دفتری باشلیغی چیکلنتیریلیشی، اوندن کیین سرپرستینینگ استعفاء بیریشی و نتیجهده کابل حوزهسینینگ آوازلری سیلاولر شکایتلرینی تینگلش کمیسیونی تامانیدن بیکار قیلینیشی و بو اداره آلگن قراری گه قیتهتیکلشی یوز بیرگن تارتیشوولردن عبارت.
کورینیشیچه، کابل حوزهسیده اوتکزیلگن سیلاو آوازلری توغریسیدهگی تارتیشوولرگه قرهگنده، سیلاولر ایرکین کمیسیونیدن باشقه ادارهلر جملهدن سیلاودن نظارت قیلووچی ادارهلر، سیلاولر شکایتلرینی تینگلش کمیسیونی و سیلاو نامزدلریدن بیرقطاری، بو وضعیتدن ناراضیلیک و خواطر بیلدیرگنلر.
سیلاولر شکایتلرینی تینگلش کمیسیونی، بیر آز سابق آلگن قراری اوستیگه تأکید قیلهدی. مذکور اداره مسؤوللرینینگ ایتیشیچه، کابل حوزهسیده اوتکزیلگن سیلاو آوازلری بیکار قیلینگن برنامهسی لغو ایتیلمهگن؛ بلکیم توختهتیلگن.
سلاموطندارگه صحبت بیرگن سیلاولر شکایتلرینی تینگلش کمیسیون سوزلاوچیسی و کاتبی علیرضا روحانینینگ ایتیشیچه، کابل آوازلری بیکار قیلینیش جریانی بیر شرط اساسیده توختهتیلگن و قوییلگن شرط اساسیده، سیلاولر ایرکین کمیسیونی، شکایتلرنی تینگلش کمیسیونی گه مدرک و حجت ارایه قیلهدی؛ بیراق شرط قوییلگن حجتلر حاضرگهقدر سیلاولر شکایتلرینی تینگلش کمیسیونی گه ییتیشمهگن.
نمایندهلر کینگشی سیلاوینی نامزدلریدن بیری هارون معترف نینگ ایتیشیچه، کابل آوازلرینی تیکشیریش جریانی قانونی و فنی یولیدن مصلحتگرالیک و معامله نفعی گه اوتگن و بو وضعیت یخشیلنیشی اوچون هیچ بیر امید یوق دیر.
معترف گه کوره، کابل آوازلرینی تقدیری خاص بیر تشکیلاتنی قولیگه توشگن.
بیراق، سیلاولر ایرکین کمیسیونینینگ ایتیشیچه، کابل حوزهسیده اوتکزیلگن سیلاو آوازلری قارهلنیب و آقلهنیشی ممکن و کابل آدرسیدن یالغیز حقلی کیشیلر نمایندهلر کینگشی گه یول تاپهدیلر.
سیلاولر ایرکین کمیسیونینینگ سوزلاوچیسینی اورین باسرلریدن بیری شیما علمسروش نینگ ایتیشیچه، اساسی قیینچیلیک کابل شهرینینگ شرقی منطقهلریگه تیگیشلی 500 محل صندوقلری قیته آچیلیشی دیر و بو جریان حاضرگچه باشلنمهگن.
شو توغریده…
کابل نمایندهلر کینگشی سیلاوینینگ آوازلری بیکار قیلیندی
صیاد: کابل آوازلرینی بیکار قیلیش قراری «شاشیلینچ، سیاسی و عقدهلی» دیر
کابل آوازلرینی قیته سنهش باشلنگنی حمایت قیلیندی
خانم سروش گه کوره، مذکور محلهلرگه تیگیشلی نتیجه ورقلری شبهلی دیر و بو محلهلردن بیرقطاریده، نتیجه ورقیده بولگن برچه آوازلر بیر نامزدنینگ نفعی گه ایشلهتیلگن.
شونینگدیک، سیلاولر ایرکین کمیسیونی کیریتیلگن عیبلاولرنی تَن آلمهی ایتیشیچه، بو ادارهنینگ قراری شفافیت تأمین ایتیلیشی توغریسیده کیسکین دیر و بو جریانده طرفسیز قالهدی.
بیراق، نمایندهلر کینگشی سیلاوینینگ نظارت قیلووچی ادارهلردن بیری فیفانینگ اجراییه باشلیغی یوسف رشید، باشقچه حکایت قیلهدی.
جناب رشیدنینگ ایتیشیچه، اولرنینگ قولگه کیریتگن معلوماتی اساسیده، چمهسی 700 محلنی آوازی شبهلی دیر.
فیفا اجراییه باشلیغینینگ ایتیشیچه، کابل حوزهسیده اوتکزیلگن سیلاو آوازلری گه نسبتن سیلاولر ایرکین کمیسیونینینگ کمیشنرلرینی بیفرق یاندهشیشلری و اوشبو موضوع توغریسیده بولگن وضعیت گه قرهگنده، کابل حوزهسیده اوتکزیلگن سیلاونینگ برچه آوازی بیکار قیلینیشی ممکن.
بیراق، وضعیت گه قرهگنده کابل حوزهسیده اوتکزیلگن سیلاو آوازلرینی تقدیری بیللی ایمس دیر.
