افغانستان بوییچه بیرلشگن ملتلر تشکیلاتی نینگ نمایندهلیگی یا-ده یوناما، بیر اعلامیه آرقهلی افغانستان یشاوچیلری نینگ سیلاوده قیلگن اشتراکیدن ستایش قیلگن.
یوناما، سیلاو یولگه قویلیشی خصوصیده ایچکی و چیتایللیک نهادلرنینگ سعی و حرکتیدن منتدارلیک بیلدیرگن.
آمریکا نینگ کابلدهگی ایلچیسی، افغانستان خلقی نینگ شجاعتلریدن ستایش قیلیب و سیلاو لایحهسی نینگ یخشی شکلده یولگه قویلیشینی تبریکلگن.
شونینگدیک، ناتو باش کاتبی ینس ستالتنبرگ، تویتر صحیفهسیده افغانستان یشاوچیلرنینگ سیلاوده قیلگن اشتراکلریدن ستایش قیلیب و ناتو افغانستان یانیده تینچلیک زمینهسینی یرهتیش اوچون سعی و حرکت قیلهدی دیگن.
عینحالده، بریتانیا ایلچیلیگی بیر اعلامیه آرقهلی، جمهورلیک ریاستی نامزدلری و طرفدارلریدن وقتدن آلدین کامیابلیگ ادعاسینی قیلمهیشینی سورهگن.
بریتانیا ایلچیلیگی، سیلاو کمیسیونلریدن طرفسیز شکلده عمل قیلیشینی سورهگن.
سیلاو ایرکین کمیسیونی نینگ سابق اعضاسی عبدالخالق حسینی پشهیی نینگ ایتیشیچه، افغانستان شرایطیگه قرهگنده اهالی نینگ سیلاوده قیلگن اشتراکی ایجابی بیرحرکت دیر و اوتگن سیلاولرگه قرهگنده بو سیلاوده ساختهکارلیک هم کم یوز بیرگن.
شونینگدیک، اروپا بیرلشمهسی و پاکستان حکومتی، جمهورلیک ریاستی سیلاوینی یخشی شکلده یولگه قوییلگنینی افغانستان اهالیسیگه تبریکلگن.
