بوگون «یکشنبه» کابلده خبری ییغین اوتکزگن افغانستان تنیق سیلاولر قوریلمهسی یا-ده تیفا، نمایندهلر کینگشینینگ سیلاو کونیدن قولگه کیریتگن دستلبکی معلوماتینی ترقتدی.
افغانستان تنیق سیلاولر قوریلمهسی یا-ده تیفا اجراییه باشلیغی نعیم ایوبزاده نینگ ایتیشیچه، اوشبو ادارهنینگ قولگه کیریتگن معلوماتی اساسیده، نمایندهلر کینگشی سیلاوی کونیده کینگ شکلده تقلب بولگن و شونینگدیک، بو تقلبلردن کوپینچهسی قصدی شکلده عملگه آشیریلگن.
ایوبزاده گه کوره، تیفا قولگه کیریتگن معلومات اساسیده، آواز بیریش مرکزلردن بیرقطاریده نتیجه ورقلرینی تازهلش اوچون خاص قلمدن فایدهلنیلگن و بو قلم لایتر آرقهلی تازهلنهدی.
اونینگ ایتیشیچه، بو حجتنی سروبیده آواز بیریش محلهلرنی بیریدن قولگه کیریتگن.
ایوبزاده نینگ کوپهیتیریشیچه، آواز بیریش ورقلرده مذکور قلمدن فایدهلنیب و اوندن سونگ تازهلنگن و ایستهگن نتیجه اصلی نتیجهنینگ جایینی آلگن.
تیفا اجراییه باشلیغی، آق آوازدن قاره آوازنینگ اجرهتیشینی فنی نقطهی نظردن جوده قیین و خواطرلی بیلیب ایتیشیچه، آوازلرنی سنهش جریانی چوزیلیشی آوازلرنی سنهش سیاسی بولیشی خصوصیده، زمینه یرهتهدی.
ایوبزاده گه کوره، حکومت ایچیده قطار کیشیلر سیلاو جریانی بیلن سیاسی معامله قیلیش اوچون سعی و حرکت قیلهدیلر.
بیراق، سیلاولر ایرکین کمیسیونینینگ سوزلاوچیسینی اورین باسری شیما علم سروش نینگ سلاموطندارگه ایتیشیچه، آواز بیرووچیلرنینگ رویخطی گه تنیق آوازلردن تکراری و تقلبی آوازلرنی اجرهتهدیلر.
افغانستان تنیق سیلاولر قوریلمهسی مسؤوللرینینگ ایتیشیچه، سیلاولر ایرکین کمیسیونی نمایندهلر کینگشی سیلاوینی یخشی بیر شکلده مدیریت قیله آلمهگنی گه قرهگنده، جمهورلیک ریاستینینگ سیلاوی تعیین ایتیلگن زمانیدن یولگه قوییلیشی امکاندن اوزاق دیر.
