آلمان مدافعه وزیری آنهگریت کرمپ-کارن باوئرنینگ ایتیشیچه، مملکتی افغانستان جمهورلیک ریاست سیلاوی نینگ نتیجهسی تیزلیککه اعلان بولیشینی ایستهیدی.
بوگون «سهشنبه» جمهورلیک ریاست سراییده جمهور رئیس غنی بیلن قوشمه خبری ییغین اوتکزگن آلمان مدافعه وزیری آنهگریت کرمپ-کارن باوئرنینگ ایتیشیچه، افغانستان سیلاو ایرکین کمیسیونی تیزلیککه جمهورلیک ریاست سیلاوی نینگ نتیجهسینی تیزلیککه اعلان قیلیشی کیرهک.
آلمان مدافعه وزیری نینگ کوپهیتیریشیچه، افغانستان سیاستچیلری و جمهورلیک ریاست سیلاوی نینگ نامزدلری، سیلاو ایرکین کمیسیونی تامانیدن اعلان قیلینهدیگن نتیجهنی قبول قیلیشلری لازم.
اوشبو موضوع بیان ایتیلگن بیرچاغده، نیچه کوندن بویان برقرارلیک و یقینلیک سیلاو تیمی نینگ طرفدارلری مملکت نینگ قطار ولایتلریده جمهورلیک ریاست سیلاویده ساختهکارلیک قیلینگن دیب ناراضیلیک بیلدیریب کیلماقدهلر.
اعتراضچیلرنینگ ایتیشیچه، سیلاو ایرکین کمیسیونی 300 مینگ یراقسیز آوازنی بیکار قیلیشی کیرهک.
شونینگدیک، اوتگن کون جمهورلیک ریاست سیلاوی بوییچه نامزدلر کینگشی، مملکت ده حاضرگی وضعیتدن چیقیش اوچون ملی همکارلیک حکومت ایجاد ایتیلیشینی تکلیف قیلگن.
افغانستان جمهورلیک ریاست سیلاوی، جاری قویاش ییل، 6- میزان ده یولگه قوییلدی، بیراق سیلاو ایرکین کمیسیونی حاضرگهقدر بو سیلاونینگ دستلبکی نتیجهسینی اعلان قیلیش گه مؤفق بولمهگن.
شو توغریده…
نامزدلر کینگشی تامانیدن ملی همکارلیک حکومت ایجاد ایتیلیشی تکلیف قیلیندی
