بدخشان ولایتیده نمایندهلر کینگشی سیلاوینینگ نامزدلرینی نظارتچیلرینینگ ایتیشیچه، نمایندهلر کینگشی سیلاوینینگ آوازلرینی قیته تیکشیریش جریانیده سیلاولر کمیسیونینینگ ایشلاوچیلری تامانیدن کینگ شکلده قولابکارلیک قیلینهدی و قیته تیکشیریش جریانیده بو قولابکارلیکلرگه دقت قیلینمهیدی.
اولرگه کوره، بدخشانده سیلاولر کمیسیونینینگ مسؤوللری، ایستهگن نامزد آوازینی 4 دن 8 گه و شونینگدیک، 8 دن 80% گچه یوقاری کوترهدی.
بیراق، بدخشانده سیلاولر کمیسیونینینگ مسؤوللری بو ادعانی رد قیلیب ایتیشیچه، 60 آواز بیریش مرکزنینگ آوازلرینی قیته تیکشیریش جریانی مؤفقیت بیلن یکونلنگن و حاضر باشقه 200 دن آرتیق محلنی آوازنی قیته تیکشیریلیشی اوتگن کوندن باشلنگن.
بدخشانده سیلاولر کمیسیونینینگ ولایتی دفتری باشلیغی روحالله موسوینینگ ایتیشیچه، آوازلرنی قیته تیکشیریش سیلاولردن نظارت قیلووچی ادارهلر و نامزدلرنینگ نظارتچیلری حضوریده عملگه آشیریلهدی و سیلاو نتیجهسیده قولابکارلیک قیلیش امکاندن اوزاق دیر.
.jpg)
بدخشانده فیفا نمایندهسی عبدالله حمیدزاده نینگ ایتیشیچه، اوشبو اداره آوازلرنی قیته تیکشیریش جریانیدن جدی شکلده نظارت قیلهدی، بیراق نامزدلرنینگ نظارتچیلری آوازلرنی قیته تیکشیریش جریانیدن یخشی نظارت قیلیش جایی گه ایستهگن نامزدلرینینگ آوازلرینی توپلش بیلن مشغول بولیب یورگنلر.
نتیجه جدولیدن آواز بیریش صندوقلرنی آوازلری فرقلی بولگنی، ناتینچ منطقهلردن آواز بیریش صندوقلر توپلهنیشی، نتیجه جدول لریدن بیرقطاریده محل باشلیغینینگ امضاء و مُهری یوقلیگی و بایومتریک قیلینمهگن آوازلر قیته تیکشیریلیش جریانیده دقت گه سزوار موضوعلردن عبارت بولگن.
بیراق، نمایندهلر کینگشی سیلاوینینگ نامزدلرینی نظارتچیلرینینگ ایتیشیچه، سیلاولر کمیسیونی نهفقط بو موضوعلرگه دقت قیلمهیدی، بلکیم سیلاو نتیجهسیده قولابکارلیک قیلهدی؛ لیکن بو ادعالرنی بدخشانده سیلاولر کمیسیونینگ مسؤوللری تَن آلمهیدی.
