غور ولایتیدن محلی اداره مسؤوللرینینگ ایتیشیچه، مذکور ولایتده آواز بیریش مرکزلر اوستیگه طالبلر تامانیدن اویوشتیریلگن هجوم نتیجهسیده 8 کیشی هلاک و باشقه 6 کیشی یرهلنگن.
شونینگدیک، غور یشاوچیلریدن بیرقطارینینگ ایتیشیچه، قوراللی طالبلر مذکور ولایتنینگ فیروزکوه شهری و تومنلریده نیچه آواز بیریش مرکز اوستیگه هجوم قیلگنلر.
عین حالده، غور حاکمینینگ ایتیشیچه، اهالی امنیتی تهدیدلرگه قرهمهی کینگ شکلده سیلاوده اشتراک قیلگنلر.
لیکن، آواز بیرووچیلردن بیرقطاری، تیزیمسیزلیک، سیلاولر کمیسیونی ایشلاوچیلری بایومتریک سیستمهسیگه بلد بولمهگنی و آواز بیرووچیلرنینگ رویخطیده بولگن قیینچیلیکلردن شکایت قیلهدیلر.
غور محلی مسؤوللرینینگ ایتیشیچه، اوشبو ولایتده بولگن 281 آواز بیریش مرکزدن 129 تهسی باغلنگن و باشقه 152 تهسی فعال دیر.
