بدخشان ولایتیده نمایندهلر کینگشی سیلاوینینگ دستلبکی نتیجهسیگه یول تاپمهگن نامزدلردن بیرقطاری و طرفدارلری اعلان ایتیلگن نتیجه گه قرشی اعتراض بیلدیرگنلر.
اوشبو اعتراضچیلر بدخشانده سیلاولر ایرکین کمیسیونی ولایتی دفترینینگ ایشیگینی یاپیب ادعا قیلیشیچه، سیلاو جریانیده کینگ تقلب یوز بیرگن.
اعتراضچیلر تحصن خیمهلر قوریب و کیملیکلرینی یاندیریب ایتیشیچه، بدخشان آوازلری قیتهدن سنلمهگن صورتده، اعتراضدن قول تارتمهیدیلر.
عین حالده، بدخشانده سیلاولر کمیسیونینینگ تشقی علاقهلر مسؤولی محمدالدین خواهانینینگ ایتیشیچه، بدخشانده نمایندهلر کینگشی سیلاوینینگ آوازلرینی قیته سنهش جریانی اوشبو نامزدلرنینگ نظارتچیلرینی نظریده ایکی باسقیچده اوتکزیلگن.
خواهانی گه کوره، مذکور ولایتنینگ برچه نامزدلرینی نظارتچیلری قیته سنهلگن جدول گه قول قویگنلر.
بیراق اعتراضچیلرنینگ ایتیشیچه، سیلاولر کمیسیونی تنیق آوازلرنی تقلبی آوازلردن اجرهتیش توغریسیده بیرگن سوزینی توتمهگن و اولرنینگ کوتیشی گه قرشی دستلبکی نتیجه رویخطینی اعلان قیلگن.
اعتراضچیلرگه کوره، بایومتریک بولمهگن آوازلر قارهلنمهگنی سیلاو تنیقلیگینی سوراققه دوچ قیلیب و اهالی ایشانچسیزلیگیگه سبب بولگن.
