بوگون «دوشنبه» وزیرلر کینگشی ییغینیده نطق سوزلهگن حکومت اجراییه باشلیغی عبدالله عبدالله نینگ ایتیشیچه، نمایندهلر کینگشینینگ سیلاویده ملی بیرلیک حکومت تشکیلاتیده بولگن قطار کیشیلر طرفسیزلیکنی نظرگه آلمهگن و او، بو توغریده ایشانچلی حجت قولگه کیریتگن.
اجراییه باشلیغی گه کوره، او سیلاو جریانیده هیچ بیر نامزدن مادی و معنوی حمایه قیلمهگن؛ شوندهی بیرحالده، سیاسی سیمالردن بیرقطاری، ملی بیرلیک حکومتینی نمایندهلر کینگشینینگ چوکیلرینی تقسیم قیلیشگه عیبلهگن.
عبداللهنینگ کوپهیتریشیچه، نمایندهلر کینگشی نی ایکی کونلیک سیلاویده کوپینچه کمچیلیکلر موجود ایدی و بو توغریده سیلاولر شکایتلرینی تینگلش کمیسیون، اهالی نی قناعت بیریب و اولرنینگ قیینچیلیکلری و شکایتلرینی ییچیشی کیرهک.
اجراییه باشلیغی، سیلاوده اهالینی کینگ شکلده اشتراک ایتیشی نی طالبان و افغانستان دشمنلریگه آغیر جواب دیب ایتیشیچه، طالبان بو لایحهنی برهم اوریش اوچون کوپ حرکت قیلگن؛ بیراق موفق بولمهگن.
بوندنآلدین قطار مدنی جمغرمهلر «افغانستان اوچون دموکراسی» آتیدهگی جمغرمه نی قطار نامزدلرنی حمایت ایتیشیگه عیبلهگن ایدی. افغانستان اوچون دموکراسی جمغرمهسینی جمهور رئیس غنینینگ تیمی مدیریت قیلهدی.
