.jpg)
بوگون «یکشنبه» تخار ولایتینینگ اعتراضچی نامزدلری گه اونلرچه عیال قوشیلدی. تخار ولایتیده نمایندهلر کینگشی سیلاوینینگ اعتراضچی نامزدلرینی تحصنیدن آلتی کون اوتماقده و اوتگن ایکی کونده اوشبو اعتراضچیلر مذکور ولایتنینگ قارهلاوچیلیگی، عیاللر ریاستی، یشش محیط ادارهسی، تعلیمات اورین باسرلیگی و مستوفیتینی باغلهگنلر.
اعتراضچی نامزدلرگه قوشیلیب تحصن قیلگن عیاللر بوگون خیمهلرینی ولایت مقامی اونگیده کوتریب بایومتریک بولگن آوازلر بایومتریک بولمهگن آوازلردن اجرهتیلیشی و تخار ولایتیده سیلاولر ایرکین کمیسیونینینگ مسؤوللری وظیفهلریدن چیکلنتیریلیشلرینی سورهگنلر.
اعتراضچیلرنینگ ایتیشیچه، حق حقدارگه ییتیشگونگهقدر ناراضیلیکدن قول تارتمهیدیلر.
شونینگدیک، اعتراضچی نامزدلرنینگ آگاهلنتیریشیچه، حکومت ایستکلریگه ایجابی جواب بیریلمهگن صورتده، تخارده بولگن حکومتی ادارهلرنی بیکار قیلهدیلر.
.jpg)
اعتراضچی نامزدلردن خلیل بیژن و خیرمحمد تیمورنینگ ایتیشیچه، اوشبو ولایت اهالیسینینگ ایستکلری برابریده حکومتنینگ بیفرق یاندهشی اویتلی دیر و تخار اهالیسینینگ ایستکلرینی حکومت نظرگه آلمهیدی.
تخار ولایتینینگ اعتراضچیلریگه کوره، حکومت دقتسیزلیگی گه دوام بیرگن صورتده، بدخشان-کابل قتناو یولینی باغلهیدیلر.
اعتراضچیلرنینگ اساسی ایستهگی تخارده اوتکزیلگن نمایندهلر کینگشی سیلاوینینگ آوازلری قیته سنهلیب و سیلاولر کمیسیونلرینینگ ینگی مدیرلری حضوریده، بایومتریک بولگن آوازلر بایومتریک بولمهگنلریدن اجرهتیلیشی دیر.
