بوگون "یکشنبه" اعتراضچی نامزدلردن بیرقطارینینگ کابلده بیر خبری ییغین آرقهلی ایتیشیچه، نمایندهلر کینگشی سیلاوینینگ قیتهدن یولگه قوییلیشی کیرهک.
اعتراضچی نامزدلرنینگ سیلاولر کمیسیونلری اعضالرینینگ چیکلنتیریلیشیدن حمایت قیلیب ایتیشیچه، مذکور کیشیلر ساختهکارلیککه عیبلنگنلر.
اعتراضچی نامزدلردن بیری صالحمحمد سلجوقینینگ ایتیشیچه، کته ملی لایحهلرگه اهالی ایشانچینی قیتهدن جلب قیلیش اوچون، جاری ییل میزان آیده یولگه قویلگن نمایندهلر کینگشی سیلاوینینگ لغو ایتیلیب و سیلاونینگ قیتهدن یولگه قوییلیشی کیرهک.
اعتراضچی نامزدلردن باشقه بیری شکیبا هاشمینینگ ایتیشیچه، سیلاولر کمیسیونلرینینگ اعضالری فساد و ساختهکارلیککه عیبلنگن، انهشو سبب، اوشبو کمیسیون تامانیدن بیریلگن وثیقه خط لرنینگ اعتباری یوق.
عینحالده، سیلاولر ایرکین کمیسیونینینگ سوزلاوچیسی عبدالعزیز ابراهیمینینگ ایتیشیچه، نمایندهلر کینگشی سیلاوی قطار قیینچیلیکلر بیلن روپهره بولگن ایدی؛ بیراق مملکت بوییچه نمایندهلر کینگشی سیلاوینینگ نتیجهسی بیکار قیلینمهیدی.
اونینگ کوپهیتیریشیچه، نمایندهلر کینگشی سیلاوینینگ قیتهدن یولگه قوییلیشی ملی منفعتلرگه زیان ییتیشتیرهدی.
نمایندهلر کینگشی جاری ییل 28 و 29 میزانده یولگه قویلدی، بیراق 4 آی اوتیش بیلن سیلاولر ایرکین کمیسیونی مملکت بوییچه نمایندهلر کینگشی سیلاوینینگ نتیجهسینی اعلان قیلیشگه موفق بولمهگن.
