قندهار بیر هفته‌دن سونگ، نماینده‌لر کینگشی‌نینگ سیلاوی‌گه میزبان بولدی

قندهار ولایتیده نماینده‌لر کینگشی‌نینگ سیلاوی تعیین ایتیلگن زمانیدن بیر هفته سونگ، بوگون یولگه قوییلدی.  

مذکور ولایت یشاوچیلریدن کوپینچه‌سی اوزون صف‌لر تارتیب آواز بیریش مرکزلریده کینگ شکلده اشتراک قیلیب آواز بیرگن‌لر. قندهار یشاوچیلری اینیقسه عیاللرنینگ حضوری ایرته‌لب ساعت 7 دن باشلب ییترلی گزارش بیریلگن.

عین حالده، قندهار یشاوچیلریدن بیرقطاری، تیزیم‌سیزلیک و سیلاولر ایرکین کمیسیونی‌نینگ ایشلاوچی‌لری کیچ کیلگن‌لری و ایش‌گه کیچ باشله‌گن‌لریدن شکایت قیلگن‌لر. اولرنینگ ایتیشیچه، آواز بیریش مرکزلردن بیرقطاری، آت‌لری آواز بیرووچیلرنینگ رویخطی‌ده یوق ایکن.

آواز بیرووچی‎لرنینگ آت‎لرینی آواز بیریش رویخطی‎گه بولمه‎گنی‎نی آواز بیریش مرکز‎لرنینگ مسووللری هم تصدیق‎له‎یدیلر.

قندهار یشاوچی‎لری، نماینده‎لر کینگشی سیلاوی‎ لایحه‎سیدن تنقید قیله‎دیلر، بیراق بوندن آلدین سیلاولر ایرکین کمیسیونی مذکور ولایت سیلاوی‎نینگ تینیق شکلده یولگه قویلیشیدن ایشانچ بیرگن ایدی.

بوگون "شنبه" قندهار مرکز و تومن‎لریده 172 آواز بیریش مرکز آواز بیرووچی‎لر اوچون آچیق ایدی.

نماینده‎لر کینگشیده قندهار سهمی 8 ایرکک و 3 عیال بولیب و 13 عیال شامل 110 کیشی اوز لرینی اوشبو سیلاوگه نامزد قیلگن‎لر.