بامیان یشاوچیلری اینیقسه عیاللرینینگ سیاسی توشونچهلری یوقاری کیتگنی باعث، بو ولایت عیاللرینینگ جنسی تبعیضگه قرشی کورهش خصوصیده بولگن فکرلری اوزگرگن.
اولرنینگ ایشانچی گه کوره، سیلاولرده اشتراک ایتیش اولرنینگ سیاسی و فقرالیک حقلری نینگ تمل تاشی سنلهدی و بو موضوع ایسه جنسی تبعیض گه قرشی کورهش خصوصیده بیرینچی آدیم دیر. بامیان عیاللری سیلاولرده اشتراک قیلیشی گه علاوه، جمهورلیک ریاست نامزدلری نینگ کمپاینلریده قتنهشیب خواهلهگن نامزدلریدن حمایت قیلهدیلر.
جمهورلیک ریاست نامزدلریدن بیری نینگ کمپاینی ده فعالیت قیلهدیگن لطیفه ناصری نینگ ایتیشیچه، بو ولایت عیاللری نینگ قیینچیلیکلری کمهییب و یشاوچیلیک حقلری گه ایریشگنلر.
سیلاو تیملریدن باشقه بیری بیلن همکارلیک قیلهدیگن منیژه علیزاده نینگ ایتیشیچه، سیلاولرده عیاللر حضوری سمبولیک بولمهسی کیرهک و عیاللر اوتمیش گه نسبتن سیلاو لایحهسیده کینگ شکلده اشتراک قیلیشنی ایستهیدیلر.
مدنی جماعهچلیک فعاللریدن بیری مرضیه حسینی نینگ ایشانچی گه کوره، اوتگن سیلاولرده بامیان عیاللرینینگ حضوری مذکور ولایت ایرککلری و باشقه ولایت عیاللریگه قرهگنده کوپ ایکن.
اونگه کوره، اوتگن سیلاوده کوپینچه قیینچلیکلر و ناتینچلیکلر بولگنده همه هم بامیان عیاللری کینگ شکلده سیلاوده اشتراک قیلیشگن.
بامیان ولایتی بوییچه سیلاو کمیسیونی باشلیغی محمدقاسم قسیم نینگ ایتیشیچه، عیاللر بیلن ایرککلرنینگ حق و حقوقی تینگ دیر و جمهورلیک ریاست سیلاویده ایرکین شکلده اشتراک قیله آلهدی.
اونگه کوره، بامیان ده اوتکزیلگن نمایندهلر کینگشی سیلاویده اشتراک قیلگنلردن 52.3 فایزی عیاللر ایکن.
بامیانلیک عیاللرنینگ ایشانچی گه کوره، سیلاولر مردم سالارلیک اورنکی دیر و سیلاوده اولرنینگ اشتراکی، سنتی و ایرکک سالارلیک جماعهنی ایرکین جماعه گه اوزگرتیریشی ممکن.
بامیان رادیوسی
