سیلاودن نظارت قیلووچی اداره‌لردن بیرقطاری و مملکت خبرچیلری‌نینگ ایتیشیچه، اولر جمهورلیک ریاستی سیلاوی اوچون آواز بیرووچی‌لرنینگ رویخطگه آلیش جریانیدن معلومات بیریلمه‌سی خصوصیده خواطر بیلدیره‌دیلر و سیلاو ایرکین کمیسیونی نینگ بو ایشی سیلاو جریانیده ساخته‌کارلیک‌که زمینه یره‌تیلیشی و معلومات گه قول تاپیش قانون نقض ایتیلیشی سنله‌دی.
سلام‌وطندارگه صحبت بیرگن افغانستان بوییچه ایرکین و عدالت‌لی سیلاو تشکیلاتی یا-ده فیفا اجراییه باشلیغی یوسف رشیدنینگ ایتیشیچه، مملکت ولایت‌لریده سیلاو ایرکین کمیسیونی مسؤوللری، رویخطگه آلینگن آواز بیرووچی‌لر توغریسیده معلومات بیرمه‌یدی و بو موضوع سیلاو شفافیتی‌نی سوراققه دوچ قیله‌دی.
اونینگ ایتیشیچه، سیلاولر ایرکین کمیسیونی، جمهورلیک ریاستی سیلاویده ساخته‌کارلیک‌که زمینه یره‌تیش اوچون رویخطگه آلینگن آواز بیرووچی‌لر توغریسیده معلومات بیرمه‌یدی.
جناب رشید نینگ کوپه‌یتیریشیچه، سیلاولر ایرکین کمیسیونی نینگ ولایتی دفترلری، اوشبو کمیسیون مرکزی دفتری نینگ هدایتی اساسیده، آواز بیرووچی‌لرنی رویخط آلیش جریانیدن معلومات بیرمه‌یدی.
ولایت‌لرده بولگن قطار محلی ژورنالیست‌لر هم آواز بیرووچی‌لرنی رویخطگه آلیش جریانیدن معلوماتلرده قول کیلتیریش خصوصیده قیین‌چیلیک‌لر بیلن روپه‌ره بولگن‌لر.
اولرنینگ ایتیشیچه، سیلاولر ایرکین کمیسیونی نینگ ولایتی مسووللریدن معلومات آلیش اوچون سعی و حرکت قیله‌دیلر، بیراق اولر معلومات بیریش‌گه حاضر بولمه‌یدیلر.
غزنی ولایتی بوییچه سیلاولر ایرکین کمیسیونی نینگ ولایتی دفتری باشلیغی عبدالبصیر مهمند نینگ سلام‌وطندارگه ایتیشیچه، «حاضرگه‌قدر آت‌لرینی رویخطگه یازدیرگن‌لر رقمی کم دیر و مرکزی دفتر هدایتی اساسیده ارقام‌لر ولایت‌لرده توپلنه‌دی و علاقه‌سی بولگن کیشی‌لر معلومات‌نی مرکزی دفتردن قولگه کیلتیره‌دی.»
سلاموطندار شبکه‌سی نینگ تخار ولایتیده‌گی ژورنالیستی عرفان برزگرنینگ ایتیشیچه، معلومات‌لرگه قول تاپیش خصوصیده جدی قیین‌چیلیک‌لر بیلن دوچ کیلکن‌لر و مسووللر معلومات‌لرنی ژورنالیست‌لر اختیاریگه قرار بیرمه‌یدیلر.
بوتوغریده سیلاولر ایرکین کمیسیونی مسووللری نینگ فکرینی آلیش اوچون سعی و حرکت قیلدیک، بیراق موفق بولمه‌دیک.
