بوگون «شنبه» کابلده سیلاو ایرکین کمیسیونی نینگ مسؤوللری خبری بیر ییغین اوتکزیب ایتیشیچه، سیلاو آوازلری قیته سنهلیشی اوچون بوتونلهی تیارگرلیک آلینگن و بو جریان تیزلیککه باشلنهدی.
سیلاو ایرکین کمیسیونی اعضاسی اورنگزیب نینگ ایتیشیچه، درمالوگ شرکتی 86 مینگدن آرتیق آوازنی یراقسیز تانیگن. اونگه کوره، بیر میلیون و 929 مینگدن آرتیق آواز سیلاو ایرکین کمیسیونی نینگ عمومی سروری گه اوتکزیلگن، بیراق درمالوگ شرکتی بیر میلیون و 843 مینگ و 107 آوازنی یراقلی تانیگن.
سیلاو کمیسیونی نینگ اوشبو اعضاسینی کوپهیتیریشیچه، درمالوگ شرکتی 86 مینگدن آرتیق آوازنی تکراری صورت، صورت یوزیدن صورت بولگنی، ایرتهلب ساعت 7 دن آلدین و کیچ قورون ساعت 5 دن کیین فایدهلنگنی باعث، یراقسیز تانیگن.
جناب اورنگزیب نینگ ایتیشیچه، درمالوگ شرکتی تامانیدن بیریلگن رقم سیلاو ایرکین کمیسیونی تامانیدن تیکشیریلهدی.
اونگه کوره، جمهورلیک ریاست سیلاوی نینگ دستلبکی نتیجهسی 23- عقرب ده اعلان ایتیلیشی خصوصیده، هیچ بیر تخنیکی قیینچیلیک یوق دیر.
سیلاو ایرکین کمیسیونی نینگ تقویمی اساسیده، جمهورلیک ریاست سیلاوی نینگ دستلبکی نتیجهسی 23- عقرب ده و سونگی نتیجهسی 15- قوس ده اعلان قیلینیشی خصوصیده، قرار قیلینگن.
