بدخشان ولایت کینگشی اعضالرینینگ ایتیشیچه، مذکور ولایتنینگ وردوج و یمگان تومنلری و باشقه 11 تومنینینگ ایریم بولیملریده طالبلرنینگ حضوری و ناتینچلیکلر کینگهیگنی باعث، بدخشان اهالیسیدن 30% نمایندهلر کینگشی سیلاویده قتنشه آلمهیدی.
بدخشان ولایت کینگشی اعضاسی عبدالله ناجی نظرینینگ سلاموطندارگه ایتیشیچه، بدخشان توپراغیدن 30% گه طالبلرنینگ حاکمیتی و آواز بیریش کونیده امنیتی تهدیدلر باشقه 10% کوپهییشی باعث، اهالی نمایندهلر کینگشی سیلاویده قتنشه آلمهسی اولرنی خواطرگه سالگن.
جناب نظری گه کوره، حاضر ناتینچلیکلر میزانی آشگنی باعث، بدخشان آواز بیرووچیلریدن 30% سیلاوده اشتراک قیلیشدن محروم قالگن و بو وضعیت دوام ایتگن صورتده، آواز بیرووچیلرنینگ سانی بوندن کوره کمهییشی ممکن.
شونینگدیک، بدخشان ولایتیده سیلاولر ایرکین کمیسیونینینگ ولایتی دفتری مسؤوللرینینگ ایتیشیچه، ناتینچلیکلر کینگهییشی سیلاو یولگه قوییلیشی خصوصیده، اولرنی خواطرگه سالگن.
بدخشان ولایتیده سیلاولر ایرکین کمیسیونینینگ ولایتی دفترینی عامهوی علاقه مدیری محمدالدین خواهانینینگ ایتیشیچه، 322 آواز بیریش مرکزدن حاضر بیرقطاری طالبلرنینگ نظارتیده بولگن منطقهلرده دیر و باشقه بیرقطاری، امنیتی تهدیدلر باعث، باغلنگن.
عین حالده، بدخشان امنیتی رسمیلرینینگ ایتیشیچه، اولر سیلاو خوفسیزلیگی تأمینلنیشی توغریسیده ییترلیچه تیارگرلیک آلگنلر. بدخشان پولیس قومندانلیگینی خوفسیزلیک آمری سیدجهان کرامت نینگ ایتیشیچه، یقین کونلرده طالبلرنینگ نظارتیده بولگن منطقهلردهگی آواز بیریش مرکزلرنی تهدید آستیدن چیقاریش اوچون کینگ حربی عملیات یولگه قوییلهدی و اهالی تینچلیک بیلن سیلاوده اشتراک قیلهدی.
بدخشان ولایتیده سیلاولر ایرکین کمیسیونینینگ ولایتی دفتری مسؤوللرینینگ ایتیشیچه، بدخشانده بولگن آواز بیریش مرکزلردن 100 تهسی امنیتی تهدید آستیده بولگن. مذکور کمیسیون مسؤوللریگه کوره، 13 مرکزی جدی امنیتی تهدید، 30 مرکزی اورته امنیتی تهدید و باشقه 54 مرکز بوتونلهی باغلنگن.
