بغلان ولایتیده ناتینچلیکلر باعث نمایندهلر کینگشیگه نامزد عیاللردن کوپینچهسینینگ سیلاو کمپاینلری قیینچیلیککه دوچ کیلگن.
اوشبو ولایتده عیال نامزد وکیللردن بیری حمیرا کهزادنینگ ایتیشیچه، بغلان ولایتینینگ قطار بولیملریده ناتینچلیکلر و طالبلرنینگ کینگ شکلده فعالیتی بولگنی باعث، عیال نامزد وکیللر ییقیندن اهالی بیلن صحبت قیله آلمهیدیلر.
بغلان ولایتینینگ عیاللر ریاستی باشلیغی خدیجه یقیننینگ ایتیشیچه، ناتینچلیکلر باعث کوپینچه عیال نامزد وکیللر کمپاین قیلیش اوچون اوزاقده بولگن منطقهلرده باره آلمهیدی.
عینحالده، بغلان پولیس قومندانلیگینینگ خوفسیزلیک آمری وحیدالله نظامینینگ ایتیشیچه، امنیتی کوچلر سیلاو خوفسیزلیگینی تامینلش و نامزد وکیللرنینگ اوزاقده بولگن منطقهلرگه سفر قیلیش اوچون بوتون تیارگرلیکنی آلگن.
بغلان ولایتیده 11 عیال شامل 88 کیشی اوزلرینی نمایندهلر کینگشی سیلاویده نامزد قیلگن.
