بوگون «شنبه» پکتیا ولایتیده نمایندهلر کینگشی نامزدلریدن کمیده 70 تهسی و اولرنینگ ناظرلری اعتراض بیلدیریب و 340 صندوقنینگ آوازلری قیته تیکشیریلیشینی توختهتگنلر.
اعتراضچی نامزدلر پکتیا ولایتیده سیلاولر ایرکین کمیسیونی برابریده توپلهنیب و کمیسیون مسئولریدن برچه سیلاوی شکایت لرگه ییچیلگونگه قدر آواز لرنی قیته حسابلهنیشی نی باشلمهسینی سورهگنلر.
اعتراضچی نامزدلرنینگ ایتیشیچه، سیلاولرنی شکایت لریگه تینگلش کمیسیون ده مستند شکلده شکایت ارایه قیلگنلر بیراق اولر حاضرگچه تیکشیرلمهگن و یالغیز نیچه کیشی باش قارالاوچیلیک ده تانیشتیریلگن و بو ایش نی اولر تَن آلمهیدی.
بیراق پکتیاده سیلاولر ایرکین کمیسیونینینگ ولایتی مسئولرینینگ ایتیشیچه، سیلاولر کمیسیونینینگ تکلیفی اساسیده، اولر یالغیز 340 آواز بیریش مرکزنینگ آوازینی قیته سنهیدیلر.
پکتیاده سیلاولر ایرکین کمیسیونی نینگ کاتبخانه مسئولی احمد ذهین مظفرینینگ ایتیشیچه، شکایتی بولگن نامزدلر قیینچیلیک لرینی سیلاولر کمیسیونینینگ مرکزی دفتر بیلن حل قیلیشی کیرهک.
پکتیا ولایتیده نمایندهلر کینگشی سیلاوینینگ نامزدلری، آوازلری قیته تیکشیریلیشی گه توسیق بولگن بیرچاغده، سیلاولر ایرکین کمیسیونی نمایندهلر کینگشی سیلاوینینگ دستلبکی نتیجهلرینی ولایتلرده 2- قوس ده و باشکینت کابلنی 10- قوس ده اعلان قیلیشی خصوصیده قرار قیلگن.
