سلاموطندارگه صحبت بیرگن مالیه وزیرلیگی سوزلاوچیسی شمعروزخان مسجدی نینگ ایتیشیچه، مذکور وزیرلیک جاری مالی ییلنینگ ملی بودجهسیده جمهورلیک ریاستی نینگ سیلاوی یولگه قوییلیشی اوچون بیر میلیارد افغانی نظرگه آلگن.
عین حالده، یاردم بیرووچی مملکتلر جمهورلیک ریاستی سیلاوینینگ خرجتینی توللش گه سوز بیرگن؛ بیراق جناب مسجدی نینگ ایتیشیچه، یاردم بیرووچی مملکتلر سوزلریگه عمل قیلمهگن حالده، افغانستان حکومتی بو توغریده تیارگرلیک آلگن.
مالیه وزیرلیگی نینگ سوزلاوچیسی گه کوره، سیلاولر ایرکین کمیسیونی حاضرگچه جمهورلیک ریاستی سیلاوینینگ خرجتی توغریسیده بولگن ریجهنی حکومت گه یوبارمهگن.
باشقه تاماندن، سیلاولر ایرکین کمیسیونی سوزلاوچیسینی اورین باسری ذبیحالله سادات نینگ ایتیشیچه، یاردم بیرووچی مملکتلر حاضرگهقدر جمهورلیک ریاستی سیلاوینینگ خرجتینی توللشدن باش تارتمهگنلر.
اونگه کوره، حاضر سیلاولر کمیسیونیده بودجه ریجهسی و عملیاتی پلان اوستیگه جدی شکلده ایشلنماقده و بو توغریده یاردم بیرووچی ادارهلرنینگ تکلیفلری هم نظرگه آلینهدی.
شو توغریده…
پکتیا اعتراضچیلری: جمهورلیک ریاستی سیلاوی یولگه قوییلمهیدی
جمهورلیک ریاستی سیلاوینینگ نامزدلرینی حجتلری تیکشیریلیشی باشلندی
سیلاولر ایرکین کمیسیون سوزلاوچیسی اورین باسری نینگ ایتیشیچه، بودجه ریجهسی و عملیاتی پلان یکونلنگنیدن سونگ، جمهورلیک ریاستی سیلاوینینگ خرجتی مشخص بولیشی ممکن.
بوندن آلدین ترقهتیلگن گزارشلرده یاردم بیرووچی مملکتلر نامعلوم دلیللر باعث، سیلاو خرجتینی توللشدن باش تارتگنلری ایتیلگن ایدی.
اوشبو گزارشلرگه عکسالعمل افغانستان حکومتی نینگ ایتیشیچه، سیلاو خرجتی کم بولیشی کیرهک و حکومت بو خرجتنی ملی بودجه دن توللش گه تیارگرلیک آلگن.
