.jpg)
سیلاولر ایرکین کمیسیونی رویخطیده آواز بیرووچیلر سانی 400 کیشی تعیین ایتیلگن؛ بو رویخطده هیچبیر مرکزده 400 کیشی آواز بیریش اوچون رویخط گه آلینمهگن.
بیراق، بیرقطار آواز بیریش محللردن سلاموطندار اختیاریگه توشگن کاغذلرگه کوره، اوزاقده بولگن ولایتلرده آواز بیرووچیلر سانی 400 کیشیدن کوپ دیر. مذکور کاغذلرده بیللی بیرنامزد گه آواز بیریلگن.
هلمند ولایتی نینگ خلیج لیسهسیده بولگن آواز بیریش مرکزده بیر کاغذگه 419 آواز اشرف غنی، 2 آواز عبدالله عبدالله، 2 آواز گلبدین حکمتیار و 1 آواز فاروق نجرابیگه بیریلگن.
ننگرهار ولایتی نینگ کوت تومنیده جایلشگن سیداحمدخیل لیسهسیده «0613296» کُد و «01» نمرهلی محلده 450 آواز بیریش کاغذ یوباریلگن و 448 تهسی عیاللر مرکزیگه تسلیم بیریلگن. اوشبو رقم آوازلر یالغیز محمداشرف غنی منفعتیگه قولهنیلگن.
پکتیا ولایتی نینگ سیدکرم تومنیده باشقه بیر آواز بیریش مرکزده 450 آواز بیریش کاغذ یوباریلگن. اوشبو مرکزده 417 کیشی محمداشرف غنی و 25 کیشی عبدالله عبدالله گه آواز بیرگن و باشقه نامزدلر 1 یا-ده 2 آواز قولگه کیلتیرگن نتیجهده 450 کیشی تکمیل ایتیلگن.
.jpg)
شونینگدیک، لوگر ولایتی نینگ برهکیبرک تومنی زحقومخیل مکتبیده 400 آواز بیریش کاغذ یوباریلگن بوتون 400 کاغذ محمداشرف غنی منفعتیگه قولهنیلگن و باشقه نامزدلر هیچبیر آواز قولگه کیلتیرمهگن.
پکتیا ولایتی نینگ سیدکرم تومنینی احمدخیل مرکزیده 417 کیشی سیلاوده اشتراک قیلگن، بیراق بو مرکزده یوباریلگن آواز بیریش کاغذلر سانی بیللی ایمس و بوتون اشتراک قیلگنلر محمداشرف غنی گه آواز بیرگن.
سونگی کونلرده بایومتریک ایتیلمهگن آوازلرگه اعتبار بیریلیشی خصوصیده جنجللر کوپهیگن بیر چاغده، آواز بیرووچیلردن بوندهی رقم ترقهتیلهدی.
سیلاولر ایرکین کمیسیونی تامانیدن ترقهتیلگن سونگی ارقامگه کوره، 2 میلیون 598 مینگ 445 کیشی جمهورلیک ریاستی سیلاویده اشتراک قیلگن. بو رقم آوازلرگه بایومتریک ایتیلگن و بایومتریک ایتیلمهگن آوازلر اجرهتیلمهگن.
جمهورلیک ریاستی نامزدلریدن بیرقطاری و سیلاودن نظارت قیلیووچی نهادلر ساختهکارلیک آوازلرنی آق آوازلردن اجرهتیش اوچون بایومتریک ایتیلگن آوازلرنی معیار قرار بیریلیشی اوستیگه تاکید قیلهدیلر.
