عبدالله عبدالله رهبرلیگیگه بولگن برقرارلیک و یقینلیک سیلاو تیمی مسووللری نینگ ایتیشیچه، مملکت 27 ولایتیده آوازلر قیته سنهلیش جریانی قیتهدن باشلنسین.
برقرارلیک و یقینلیک سیلاو تیمی سوزلاوچیسی فریدون خوزن نینگ سلاموطندارگه ایتیشیچه، اوشبو تیم نظارتچیلری نینگ حضوری بولمهگن لایحه اولر تامانیدن قبوللنمهیدی و مملکت 27 ولایتیده آوازلر قیته سنهش جریانی قیته باشلهنیشی کیرهک.
جناب خوزن گه کوره، سیلاو ایرکین کمیسیونی اولر ایستکلریگه دقت قیلمهگن صورتده، سیلاو قیینچیلیگی قیتهدن باشلهنیشی ممکن.
بیراق، سیلاو ایرکین کمیسیونی سوزلاوچیسی عبدالعزیز ابراهیمی نینگ ایتیشیچه، مملکت 27 ولایتیده آوازلر قیته سنهش جریانی بیرقطار تیملرنینگ نظارتچیلری و سیلاودن نظارت قیلیووچی نهادلر حضوریده صورت تاپگن و 7 ولایتده آوازلر قیته سنهش جریانی یکونلنگنیدن سونگ، سیلاو دستلبکی نتیجهسی اعلان ایتیلهدی.
سیلاو آوازلری نینگ قیته سنهش جریانی مملکت 7 ولایتیده بوگون باشلندی و کیلهجک 2 کونگهقدر یکونلهنیشی ممکن.
