نمایندهلر کینگشی سیلاوینینگ ایکینچی کونی مملکت 14 ولایتیده "شنبه" کونی امنیتی و تخنیکی قیینچیلیکلر سبب یاپیق قالگن 400 آواز بیریش مرکزده باشلهندی.
"شنبه" کونی آواز بیریش مرکزلردن بیرقطاریگه آواز بیریش لایحهسی تعیین ایتلگن زماندن کینراق باشلهندی، انهشو باعث سیلاولر ایرکین کمیسیونی آواز بیریش زمانینی کیچه ساعت 8 گهقدر تمدید قیلدی.
سیلاولر ایرکین کمیسیونینینگ اعلان قیلیشیچه، اوتکن کونی یولگه قویلگن سیلاوده کمیده 3 میلیون کیشی اشتراک قیلگن.
اوتکن کیچه سیلاولر ایرکین کمیسیونینینگ باشلیغی عبدالبدیع صیادنینگ بیر خبری ییغین آرقهلی ایتیشیچه، ولایتلر بیلن رابطه قوریش خصوصیده قیینچیلیک بولگنی سبب سیلاوده اشراک قیلگنلردن بیللی ارقام قولگه یوق.
ارقاملرگه کوره، اوتکن کونی مملکت تورلی ولایتلریده 200 امنیتی واقعه یوز بیریب و نتیجهده 36 کیشی هلاک و 120 کیشی یرهلنگن.
