آمریکا نینگ کابلدهگی ایلچیسینی اعلان قیلیشیچه، آمریکا افغانستان سیلاو لایحهسیدن حمایت قیلیش اوچون 29 میلیون دالر یاردم بیرگن.
آمریکا نینگ کابلدهگی ایلچیسی جان بس، مالیه وزیرلیگی و سیلاولر ایرکین کمیسیونی تامانیدن سیلاو بودیجهسی نهایی ایتیلیشینی خوش قرشیلگن. اونینگ ایتیشیچه، جمهورلیک ریاستی سیلاو تینیق شکلده یولگه قوییلیشی اوچون اوز مملکت 29 میلیون دالر افغانستانگه یاردم بیرگن.
آمریکا ایلچیسی، سیلاولر ایرکین کمیسیونیدن جمهورلیک ریاستی سیلاوینی یولگه قویش اوچون سعی و حرکت قیلیشینی سورهگن.
وقتنچهلیک ایشلاوچیلرنینگ تعلیم بیریب و استخدام ایتیلیشی، آواز بیرووچیلر رویخطینی ترقهتیلیشی و بایومتریک ایسکونهلری نینگ ساتیب آلینیشی آمریکا ایلچیسی تامانیدن اشاره قیلینگن موردلردن دیر.
جناب بس، سیلاولر ایرکین کمیسیونیدن بوتون تیارگرلیک و فعالیتینی اهالی بیلن شریک قیلیشینی سورهگن.
آمریکا ایلچیسی، افغانستان یشاوچیلری و جمهورلیک ریاستی نامزدلریدن قانونگه حرمت قیلیشینی سورهب و جمهورلیک ریاستی نامزدلریدن سیلاو کمپاینلری جریانیده دولتی امکانیتلردن قولهنیشدن قول تارتیشینی سورهگن.
