بوگون "شنبه" سیلاو ایرکین کمیسیونی اعضاسی مولانا محمد عبدالله نینگ کابلده بیرخبری ییغینده ایتیشیچه، اوشبو کمیسیون ولایتی مسووللری سیلاو خصوصیده بولگن ساختهکارلیکلردن مرکزگه گزارش بیرمهگن صورتده، عدلی و قضایی نهادلرگه تانیتیلهدی.
جناب عبداللهگه کوره، سیلاو ایرکین کمیسیونی، بو کمیسیون ولایتی ایشلاوچیلردن سیلاو خصوصیده بولگن هرقندی ساختهکارلیک خصوصیده مرکزگه گزارش بیریشینی سورهگن.
اونینگ کوپهیتیریشیچه، بایومتریک ایتیلمهگن آوازلر بیکار قیلینهدی و یالغیز بایومتریک ایتیلگن آوازلرگه اعتبار بیریلهدی.
سیلاو ایرکین کمیسیونی نینگ اوشبو اعضاسیگه کوره، حاضرگهقدر مملکت 22 ولایتیدن سیلاو ملزمهلری کابلگه انتقال بیریلگن و بو لایحه بوگون آقشام گچه تکمیل ایتیلهدی.
جمهورلیک ریاستی سیلاوی 6 میزانده یولگه قوییلدی. سیلاولر ایرکین کمیسیونی معلوماتیگه کوره، بو سیلاو ابتدایی نتیجهسی 27 میزانده و نهایی نتیجهسی 16 عقرب ده اعلان ایتیلهدی.
