جمهورلیک ریاست سیلاوی نینگ کمپاینلری 6- اسد دن باشلنگن و بو کمپاینلر سیلاوی یولگه قوییلیشی دن 48 ساعت آلدین گچه دوام ایتهدی. جمهورلیک ریاستی اوچون 18 کیشی نامزد بولگن، هر نرسهدن کوره آچیق بولگن موضوع اوتمیشلرگه نسبتن جمهورلیک ریاست نامزدلری نینگ کمپاینلری کمرنگ بولگنی دیر.
جمهورلیک ریاست سیلاو نامزدلریدن بیری جمهور رئیس محمداشرف غنی کینگ شکلده کمپاینلرینی آلغه آلیب بارماقده.
میدیالرده نشر ایتیلهدیگن ویدیو ریکلاملردن بیریده جناب غنی نینگ نامزدلیگی دن قطار یاشلر حمایت بیلدیریشهدی و اولر ایسه «شو کیشی بجره آلهدی» شعاری بیلن اوندن حمایت قیلهدیلر.
بیراق، شنبه دن یکشنبه گه اوتر کیچه یریمی ده کابل غربی ده جایلشگن توی سالونلریدن بیری ده خودکش هجوم یوز بیریب و نتیجهده یوزلرچه کیشی هلاک ایتیلیب و یرهلنگندن سونگ، بوگون ایرتهلب اجتماعی ترماق ایشلاوچیلریدن بیرقطاری، جمهور رئیس غنی نینگ قیلگن ایشلریدن تنقید قیلیش نیت ده «شو کیشی بجره آلهدی» نامی کمپاین یولگه قوییشگن.
یشاوچیلرنینگ خوفسیزلیگی حکومت تامانیدن تأمین ایتیلمهگنیدن کوپلب تنقید قیلینگنیدن سونگ، جمهورلیک ریاست سرایی بیر خبرنامه آرقهلی توی مراسمی ده یوز بیرگن هجومنی قارهلب و ایتیشیچه، جناب غنی نینگ بوتون کمپاین برنامهلری بوگون اوچون بیکار قیلینگن.
