سیلاو شکایتلرینی رویخطگه آلیش جریانی سیلاو تیملری تامانیدن سیلاو شکایتلرینی تینگلش کمیسیونی نینگ مرکزی و ولایتی دفترلریده 16 مینگ و 500 شکایت رویخطگه بیریلیب اوتگن کون «چهارشنبه» یکونلندی و سیلاو شکایتلرینی تینگلش کمیسیونی، بوگون «پنجشنبه، 5- جدی» شکایتلرنی تیکشیرووگه باشلهدی.
سیلاو قانونی اساسیده، سیلاو شکایتلرینی تینگلش کمیسیونی 15 کون جریانیده شکایتلرنی تیکشیرهدی.
بیراق، کابلده خبری ییغین اوتکزگن سیلاو شکایتلرینی تینگلش کمیسیونی نینگ اعضاسی قاسم الیاسی، سیلاو تیملری تامانیدن رویخطگه بیریلگن شکایتلرنی تکرارسیز دیب ایتیشیچه، سیلاو شکایتلرینی تینگلش کمیسیونی شکایتلرنی تیکشیریش چاغیده وقت آزلیگیگه روپهره بولیشی ممکن و شو یوزهدن خواطرده دیر.
سیلاو شکایتلرینی تینگلش کمیسیون باشلیغی زهره بیان شینواری نینگ ایتیشیچه، عبدالله عبدالله نینگ آدرسیدن 8 مینگ شکایت، گلبدین حکمتیارنینگ آدرسیدن 4400 شکایت، اشرف غنی نینگ آدرسیدن 3 مینگدن آرتیق شکایت و رحمتالله نبیل نینگ آدرسیدن 15 شکایت رویخطگه آلینگن.
سیلاو شکایتلرینی رویخطگه آلیش کمیسیون مسؤوللری گه کوره، بو شکایتلر حاضرگهقدر بستهبندلیک بولمهگن.
سیلاو شکایتلرینی رویخطگه آلیش کمیسیونی، شکایتلر تیکشیریلیشی اوچون زمان آزلیگیدن سوز یوریتگن بیرچاغده، سیلاو ایرکین کمیسیونی 6- میزان جمهورلیک ریاست سیلاوی نینگ دستلبکی نتیجهسینی 3 آیدن سونگ، اعلان قیلگن.
شو توغریده…
مسؤولیتنی سیلاو شکایتلرینی تینگلش کمیسیونیگه تشلش خلق تقدیری بیلن اوینهش دیر
