افغانستان باش قارهلاوچیلیگی، سیلاولر ایرکین کمیسیونلرینینگ سابق اعضالرینی ممنوعالخروج قیلگنیدن سونگ، اوچ هفته آلدین بو کمیسیون اعضالرینینگ دوسیهلرینی تیکشیریشگه باشلهدی.
بوگون "یکشنبه" باش قارهلاوچیلیک ادارهسینی سوزلاوچیسی جمشید رسولینینگ سلاموطندارگه ایتیشیچه، سیلاولر ایرکین کمیسیونلرینینگ سابق اعضالرینی دوسیهلری تکشیریلماقده و بو کمیسیونلر باشلیغلری شامل بوتون اعضاللری تیکشیریلگن.
جناب رسولی بو توغریده کوپراغ معلومات بیرمهیدی؛ بیراق باش قارهلاوچیلیک ادارهسینینگ دستلبکی باسقیچی یکونلنگن دیدی. اونینگ کوپهیتیریشیچه، تیکشیریشلر یکونلنگندن سونگ، نهایی نتیجه اهالی بیلن شریک ایتیلهدی.
28 میزانده یولگه قوییلگن سیلاوده کینگ شکلده ساختهکارلیک صورت تاپگنی خصوصیده تارتیشوولر کوپهیگن بیر چاغده، جمهور رئیس غنی بیر مکتوب آرقهلی سیلاولر کمیسیونلرینینگ رئیس و اعضالرینی چیکلنتیردی.
عینحالده، باش قارهلاوچیلیک ادارهسی اولرنی ممنوعالخروج اعلان قیلیب و عیبلرنی تیکشیریش اوچون بیر هیأتنی وظیفه لنتیردی؛ بیراق تیکشیریش نتیجهسی خاضرگهقدر اهالی بیلن شریک ایتلمهگن.
