جوزجان ولایتیده سیلاولر ایرکین کمیسیونینینگ ولایتی دفترینی سرپرستی حمیدالله بلوچ نینگ سلاموطندارگه ایتیشیچه، مذکور ولایتنینگ درزاب، خماب و مردیان تومنلریده امنیتی تهدیدلر بلندلیگی باعث، هیچ بیر آواز بیریش مرکز فعال بولمهگن.
اونگه کوره، مذکور ولایتده موجود بولگن 129 آواز بیریش مرکزدن یالغیز 60 آواز بیریش مرکز ولایت مرکزی و تومنلریده فعال بولیشی ممکن و باشقه 69 آواز بیریش مرکز یاپیق قالهدی.
جوزجان یشاوچیلریدن بیرقطاری، مذکور ولایتنینگ تومنلریده قوراللی طالبلرنینگ فعالیتی کینگهیگنیدن خواطر بیلدیریب ایتیشیچه، جوزجاننینگ مینگجیک، قرقین، قوشتپه، خانقاه و فیضآباد تومنلریده هم نمایندهلر کینگشینینگ سیلاوی یولگه قوییلمهسی ممکن.
اولرگه کوره، قوراللی طالبلر مذکور تومنلرنینگ اهالیسینی سیلاوده اشتراک قیلگن صورتده، اولرنی قولگه آلیب و جزالنتیریشلری توغریسیده آگاهلنتیرگن.
جوزجان اهالیسیدن ایکی کیشی فیروز حاذق و نجیبالله پهلوان نینگ ایتیشیچه، مذکور ولایتنینگ کوپینچه تومنلریده امنیتی وضعیت مناسب ایمس دیر و اهالیدن کوپینچهسی امنیتی خواطرلر و طالبلرنینگ تهدیدلری باعث، سیلاوده اشتراک قیلمهیدیلر.
اولر، حکومتدن مذکور ولایتده امنیتی قیینچیلیکلرنی حل قیلیشینی سورهیدی و بو ولایتده امنیتی قیینچیلیکلر حل قیلینگن صورتده، اهالی سیلاوده اشتراک قیلیب آواز بیرهآلهدی.
باشقه تاماندن، جوزجان ولایتیده تیفا مسؤولی نقیب اسحاقزی نینگ ایتیشیچه، ناتینچلیکلرگه قوشیمچه، آواز بیرووچیلرنینگ رویخطگه آلیش بایومتریک سیستمی ایش بیرمهسی سیلاو جریانی خصوصیده، اهالینینگ ایشانچسیزلیگیگه سبب بولگن.
عین حالده، جوزجان مدنی فعاللرینینگ ایتیشیچه، حکومت مذکور ولایت تومنلرینینگ خوفسیزلیگینی تأمینلب و سیلاو شفافیتینی تضمین قیلگن صورتده، اهالی قورقمسدن نمایندهلر کینگشینینگ سیلاویده اشتراک قیلهآلهدی.
