مملکت غربیده امنیتی رسمیلرنینگ ایتیشیچه، سیلاو لایحهسینینگ خوفسیزلیگینی تامینلشدن اهالیگه ایشانچ بیریش اوچون امنیتی و دفاعی کوچلردن تشکیل تاپگن 800 کیشیلیک بیر قطعه قوریلگن.
اوشبو کوچلر حربی جهازلر بیلن تجهیزلهنیب هرات شهریده حربی نمایش اوتکزگندن سونگ 207 ظفر قول اوردو قومندانلیگی قرارگاهیده ییرلشگن.
207 ظفر قول اوردو قومندانی نورالله قادری نینگ ایتیشیچه، اوشبو نمایشدن مقصد سیلاو لایحهسینینگ خوفسیزلیگینی تامینلشدن اهالیگه ایشانچ بیریش دیر.
207 ظفر قول اوردو قومندانینینگ مملکت غرب زونی یشاوچیلریگه ایشانچ بیریب ایتیشیچه، سیلاو کونیده هرات، فراه، غور و بادغیس ولایتلرینینگ خوسیزلیگی جدی صورتده تامین ایتیلهدی و اهالینینگ هیچقندی قورقینچلری بولمهسدن سیلاوگه اشتراک قیلیشلری کیرهک.
هرات حاکمی محمدآصف رحیمی و 606 انصار زون قومندانی جمعهخان عدلینینگ سیلاو خوفسیزلیگی تامین ایتیلیشی اوستیگه تاکید قیلیب ایتیشیچه، مذکور حربیلر اهالینینگ سیلاو لایحهسیگه اشترک قیلیش زمینهسینی یرهتیش اوچون سعی و حرکت قیلهدیلر.
606 انصار زون قومندانینینگ ایتیشیچه، سیلاو خوفسیزلیگی تامین ایتیلیشی خصوصیده اهالیگه ایشانچ بیریش اوچون فراه، غور و بادغیس ولایتلریده هم حربی نمایش اوتکزیلهدی.
