جمهور رئیس اشرف غنی، ایری فرمانلر آرقهلی، سیلاولر ایرکین کمیسیونلرینینگ ینگی اعضالرینی تانیشتیرگن.
جمهور رئیس غنی، اورنگ زیب، مولانامحمد عبدالله، سیدعصمتالله مل، مسافر قوقندی، حوا علم نورستانی، محمدحنیف دانشیار و رحیمه ظریفیلرنی سیلاولر ایرکین کمیسیونی اعضالری عنوانیده تانیتگن.
اوشبو فرمان گه کوره، محمدقاسم الیاسی، زهره بیان شینواری، دینمحمد عظیمی، سیدقطبالدین رویدار و محمدیونس طغرا سیلاولر شکایتلرینی تینگلش کمیسیونینینگ اعضالری عنوانیده تانیتیلگن.
شونینگدیک جمهور رئیس غنی، حبیبالرحمان ننگ نی سیلاولر کمیسیونینینگ دبیرخانه باشلیغی و چمنشاه اعتمادی نی سیلاولر شکایتلرینی تینگلش کمیسیونینینگ دبیرخانه باشلیغی حیثیده تعیین قیلگن.
بو جملهدن سیدعصمتالله مل، مولانامحمد عبدالله، اورنگ زیب و محمدحنیف دانشیار 5 ییل و مسافر قوقندی، حوا علم نورستانی و رحیمه ظریفی 3 ییل گهقدر سیلاولر ایرکین کمیسیونینینگ اعضاسی عنوانیده تانیتیلگنلر.
محمدقاسم الیاسی، زهره بیان شینواری و مولوی دینمحمد عظیمی 5 ییل و محمد یونس طغرا و سید قطبالدین رویدار 3 ییل گهقدر سیلاولر شکایتلرینی تینگلش کمیسیونینینگ اعضالری حیثیده تعیینلنگنلر.
سیلاولر کمیسیونلرینینگ عضویتینی قولگه کیلتیریش اوچون 81 کیشی اوزلرینی نامزد قیلگن ایدی و بوجملهدن 16 تهسی یوقاری آواز قولگه کیلتیرگن. جمهور رئیس عنی 16 کیشی جملهسیدن 7 تهسینی سیلاولر ایرکین کمیسیونی، 5 تهسینی سیلاولر شکایتلرینی تینگلش کمیسیونی اعضالری و باشقه ایکی کیشینی مذکور کمیسیونلرنینگ دبیرخانه باشلیغی عنوانیده تانیتگن.
سیلاو قانونیگه اصلاحات کیریتیلگنیدن سونگ، جمهور رئیس سیلاولر کمیسیونلرینینگ سابق اعضالرینی چیکلنتیریب و باش قارهلاوچیلیککه تانیتگن ایدی.
سیلاولر ایرکین کمیسیونلرینینگ سابق اعضالری، مالی فساد و صلاحیتلردن ناتوغری شکلده قولهنیشگه عیبلنگنلر.
شوتوغریده…
