سیلاودن حمایت قیلووچی گروه افغانستان بوییچه سیلاو ایرکین کمیسیونی دن جمهورلیک ریاست نامزدلریدن بیرقطاری و اولرنینگ طرفدارلری تامانیدن بیان ایتیلگن خواطرلرگه آچیق جواب بیریشینی طلب قیلگن.
مذکور گروه اوتگن کون «دوشنبه، 20- عقرب» میدیالرگه یوبارگن خبرنامهده یازیلیشیچه، نامزدلر تامانیدن بیان ایتیلگن خواطرلر جدی بولگن و سیلاو کمیسیونی سیلاو جریانی نینگ شفافیتی و نتیجهسی توغریسیده نامزدلر و سیلاو تامانلریگه ایشانچ بیریشی کیرهک.
افغانستان بوییچه اروپا بیرلیگی، جاپان، آلمان، بریتانیا، آمریکا، آسترالیا، ناروی ایلچیلری و بیرلشگن ملتلر تشکیلاتی نینگ نمایندهلیگی افغانستان سیلاویدن حمایت قیلووچی گروه گه اعضاسی دیر.
اوشبو قوشمه خبرنامهده سیلاو نتیجهسی اعلان ایتیلیشی بیرینچی مرته توختهتیلگنینی فنی و تخنیکی قیینچیلیکلر باعث، توغری دییلگن، بیراق سیلاو ایرکین کمیسیونی دن سیلاو جریانلریده کوپلب سعی و حرکت قیلیب احتمالی توختهتیلیشنی کمهیتیریشی نی سورهگن.
شونینگدیک، اوشبو گروه جمهورلیک ریاست سیلاوی نینگ نامزدلریدن سیلاو قانونی و نامزدلرگه عاید قاعدهلرنی نظرگه آلیب و سیلاو جریانی بیرهم اوریلیشی گه سبب بولهدیگن حرکتلردن باش تارتیشینی طلب قیلگن.
.jpg)
عین دمده، اولر جمهورلیک ریاست سیلاوی نینگ نامزدلری و طرفدارلریدن سیلاو جریانیدن حمایت قیلیب، آوازلر قیته سنهلش جریانیده سیلاو کمیسیونی گه یاردم بیریب و سیلاو توغریسیده بولگن خواطرلری و شکایتلرینی سیلاو شکایتلرینی تینگلش کمیسیونی بیلن شریک قیلیشلری ایستهگن.
سیلاودن حمایت قیلووچی گروه سیلاو کمیسیونی دن آچیق جواب ایستهگن بیرچاغده، سیلاو کمیسیونی طرزالعمل نی نظرگه آلمسدن آوازلرنینگ قیته سنهش جریانینی باشلهگن.
سیلاو تیملریدن 3 تهسی جملهدن عبدالله عبدالله رهبرلیگیده بولگن برقرارلیک و یقینلیک سیلاو تیمی، رحمتالله نبیل نینگ رهبرلیگیده بولگن خوفسیزلیک و عدالت تیمی و گلبدین حکمتیار رهبرلیگیده بولگن اسلامی تینچلیک و عدالت تیمی آوازلر قیته سنهلیشی گه قرشیلیک بیلدیریشیب و بو جریاندن نظارت قیلیشنی تحریم قیلیشگن.
اوتگن کون «دوشنبه» بغلان، پروان، تخار، بدخشان، سمنگان، سرپل و جوزجان ولایتلری بوییچه سیلاو ایرکین کمیسیونی نینگ ولایتی دفتری باشلیغلری نینگ سلاموطندارگه ایتیشلریچه، مذکور ولایتلرده برقرارلیک و یقینلیک سیلاو تیمی نینگ طرفدارلری آوازلر قیته سنهلیشی گه توسیق بولیشگن.
شو توغریده…
حکمتیار: ساختهکارلر درمالوگ شرکتی گه رشوه بیریشگن
