نمایندهلر کینگشی سیلاوینینگ نامزدلرینی 20 کونلیک سیلاو کمپاینلری کیلهجک نیچه ساعتده یکونلنهدی.
بوگون «چهارشنبه» کابلده خبری بیر ییغین اوتکزگن سیلاولر ایرکین کمیسیونی سوزلاوچیسی حفیظالله هاشمینینگ ایتیشیچه، بو کیچه ساعت 12 دن جیملیک دورهسی باشلنهدی؛ بو دوره ده کیمسه نمایندهلر کینگشی سیلاوینینگ نامزدلری اوچون ریکلام قیله آلمهیدی.
جناب هاشمی، نمایندهلر کینگشی سیلاوینینگ نامزدلریدن جیملیک دورهسیده آواز بیریش مرکزلرنی 100 مترلیگیدن ریکلام صورتلرینینگ توپلشلرینی سورهدی.
سیلاولر ایرکین کمیسیونینینگ مسؤوللری، میدیالردن جیملیک دورهسیده نمایندهلر کینگشی سیلاوینینگ نامزدلری اوچون ایجابی و سلبی ریکلام قیلمسلرینی طلب قیلدی.
سیلاولر شکایتلریگه تینگلش کمیسیون سوزلاوچیسی علیرضا روحانینینگ سلاموطندارگه ایتیشیچه، جیملیک دورهسیده نامزدلر تامانیدن قاعده گه قرشی بیران ایش بولگن صورتده، قانون اساسیده اولر بیلن یاندهشیلهدی.
افغانستان بوییچه ایرکین و عدالتلی سیلاو مؤسسهسی یا-ده فیفا اجراییه باشلیغی یوسف رشیدنینگ ایتیشیچه، جیملیک دورهسی آواز بیرووچیلر اوچون تیکشیریش، اولچش و توغری قرار قیلیش دوره دیر و بو دوره ده نمایندهلر کینگشی سیلاوینینگ نامزدلرینی شعاری، سوزی و کوچلری توغریسیده اویلش کیرهک.
جناب رشیدگه کوره، آواز بیرووچیلر اویلمهی و دقت قیلمسدن ظرفیتگه ایگه بولمهگن نامزدگه آواز بیرگن صورتده، نمایندهلر کینگشی و تنلنگن نامزد تامانیدن آلینگن برچه ناتوغری قرارلرگه شریک بولهدی.
نمایندهلر کینگشینینگ سیلاوی کیلهجک شنبه، 28- میزان ده یولگه قوییلهدی و حکومت بیلن سیلاولر ایرکین کمیسیونی، تنیق سیلاو یولگه قوییلیشی اوچون جدی شکلده امنیتی تدبیر و تیارگرلیک آلینگنی توغریسیده اهالی گه سوز بیرگن.
