بوگون «چهارشنبه» کابلده خبری بیر ییغین اوتکزگن سیلاولر ایرکین کیمسیونی اعضاسی رحیمه ظریفی نینگ ایتیشیچه، 1 میلیون و 932 مینگ و 673 بایومتریکلی آواز مرکزی سرور گه انتقال تاپگن و شونینگدیک آوازلرنی اوتکزیش پروسه یکونلنگن.
خانم ظریفی گه کوره، حاضر کمیسیون رسمیلری میموری کارتلر، یوقالگن بایومتریک اسکونهلری و نتیجه قندهی اعلام ایتیلیشی توغریسیده بحث اوتکزماقده.
سیلاولر کمیسیونی اوشبو اعضاسی نینگ کوپهیتیریشیچه، کیلهجک 3 کونده پاک و ناپاک آوازلر مرکزی سرور آرقلی اَیریلیشی ممکن.
اونگه کوره، معلومات توپلش مرکزی نینگ قفلی سیندیریلگنی نی تیکشیریش اوچون مولانا عبدالله و اورنگزیب رهبرلیگیده بیر هیأت تعیین ایتیلگن و مذکور تدقیق نتیجهسی تیزلیکده اهالی بیلن شریک قیلینهدی.
شو توغریده:
- سیلاو کمیسیونینینگ جنجللری؛ نظارت قیلووچی ادارهلر آچیقلیک طلب قیلگن
سیلاو معلومات مرکزی گه هجوم قیلینگن؛ نظارتچیلر ادعا قیلیشگن
تیفا: سیلاو دستلبکی نتیجهسی نینگ اعلان ایتیلمهیشی شبههلی دیر
شونینگدیک جمهورلیک ریاست سیلاوی نامزدلری نینگ قطار ناظرلری، مرکزی سرور آرقلی آوازلرنی تازلش پروسهسی نینگ تنیقلیگی اوستیگه اورغولهگن.
جمهورلیک ریاست سیلاوی نینگ دستلبکی نتیجهسی 26- میزان گه اعلام ایتیلیشی گه قرار قیلینگن ایدی. بیراق کمیسیون ایریم دلیللر باعث سیلاو دستلبکی نتیجهسی اعلام ایتیلمهگنی اوچون عذر سورهدی.
