سیلاو ایرکین کمیسیونی،11- عقرب، بو اداره 34 ولایتده آوازلرنی قیته سنهش جریانی نینگ باشلش اوچون تیارگرلیک آلگنینی بیلدیردی، بیراق تعیین ایتیلگن زماندن اوچ کون اوتیب و بو جریان حاضرگچه باشلنمهگن.
سیلاو ایرکین کمیسیونی اعضاسی مولانامحمد عبدالله نینگ اوز فیسبوک صحیفهسیده یازیشیچه، 137630 توختهتیلگن آواز و آواز بیریش زمانیدن تشقری فایدهلنگن 102012 آوازنینگ تقدیری بیللی بولگونگهقدر، آوازلرنی قیته سنهش جریانی قیینچیلیک یرهتهدی.
جناب عبدالله گه کوره، آوازلر قیته سنهلیشی اوچون آق و قاره آوازلر اجرهتیلیب قیته سنلهدیگن محللر بیلگیلنیشی و ولایتلرنینگ مرکزلریده قیته سنهش ایری و عمومی لایحهلر تیارلنیشی لازم دیر.
مولانا عبدالله، سیلاو ایرکین کمیسیونی نینگ 7- میزان ده آلگن قراری گه اشاره قیلیب کوپهیتیریشیچه، کینگ شکلده تقلب یوز بیرگن محللرنینگ مسؤوللری عدلی و قضایی ادارهلریگه تانیشتیریلیشی کیرهک.
شونینگدیک، افغانستان بوییچه شفاف سیلاو بنیادی یا-ده تیفا باشلیغی نعیم ایوبزاده نینگ سلاموطندارگه ایتیشیچه، کمیسیون تطبیقات باسقیچیده قرهمه قرشیلیککه دوچ کیلگن و بو وضعیت 23- عقرب ده دستلبکی نتیجه اعلان قیلینیشی اوستیگه تأثیر قویهدی.
اوتگن کون برقرارلیک و یقینلیک سیلاو تیمی نینگ اعلان قیلیشیچه، آوازلر قیته سنهلیشی باشلهنیشیدن آلدین، یراقلی آوازلرنینگ میزانی دقیق شکلده بیلگیلنیشی کیرهک.
برقرارلیک و یقینلیک سیلاو تیم مسؤوللری نینگ ایتیشیچه، اولرنینگ محاسبهسی اساسیده، 300 مینگ آواز قیته سنهش جریانیدن چیقاریلیشی لازم، بیراق دولت قورووچی تیم مسؤوللری نینگ ایتیشیچه، آوازلرنی قیته سنهش جریانی توختهتیلیشی سیلاو تیملری و افغانستان اهالیسی اوچون قبول قیلینمس دیر.
شو توغریده…
