.jpg)
افغانستان نمایندهلر کینگشی سیلاوینینگ تنیقلیگی و بو جریاندن قندهی بیر شکلده نظارت قیلینیشی، مملکت سیاسی جریانلری و مدنی جماعهچیلیک ادارهلرینینگ اصلی بحثلریگه اوزگرگن. ملی بیرلیک حکومت گه قرشی سیاسی حزبلری نمایندهلر کینگشینینگ سیلاوی یولگه قوییلیشیده تنیق ابزارلر و میکانیسم یولیگی باعث، نیچه وقت کمیسیون بیلن علاقهلرینی کیسدی. سیلاولر ایرکین کمیسیونیگه سیاسی حزبلر تامانیدن اوچ تکلیف بولگن ایدی و بو جملهدن « سیلاو تیزیمی اوزگریشی، سیلاوده بایومتریکدن فایدهلنیش و سیلاو جریانیدن نظارت قیلیش» بولگن.
سیلاولر ایرکین کمیسیونیدن اجرهلیش باعث، آواز بیرووچیلرنینگ رویخطگه آلیش جریانی سیاسی حزبلرنینگ نظارتچیلرینی کوزیدن اوزاق عملگه آشیریلدی و نتیجهده سیلاولر ایرکین کمیسیونینینگ اعلان قیلیشیچه، نمایندهلر کینگشی سیلاویده اشتراک قیلیش اوچون 9.5 میلیون کیشی رویخطگه آلینگن. سیلاولر کمیسیونی تامانیدن اعلان ایتیلگن رقم سیلاولرگه دخیل طرفلر آرهسیده جنجلگه سبب بولگن، بیراق سیلاولر ایرکین کمیسیونینینگ سونگی اعلامیهسیگه کوره، رویخطگه آلینگن آواز بیرووچیلر 8.8 میلیون کیشی دییلگن.
عین حالده، سیلاولر ایرکین کمیسیونی، نمایندهلر کینگشینینگ سیلاویده بایومتریک سیستمهسیدن فایدهلنیشینی بیلدیرگنیدن سونگ، سیاسی حزبلر قرشیلیکدن وازکیچدی. بیراق، حاضر بایومتریک اسکونهلری قندهی بولگنی توغریسیده سوراقلر توغیلگن و شونینگدیک، بایومتریک اسکونهلری سیلاونی بوتونلهی تنیق قیله آلمهسی توغریسیده خواطرلر تاپیلگن.
سیلاو جریانیدن نظارت قیلیش ادارهلرنینگ ایشانچی گه کوره، سیلاو جریانیدن نظارت قیلیش سیلاو تنیقلیگیگه یاردم بیرهدی. دیمک، سیاسی حزبلرنینگ اصلی ایستکلریدن بیری سیلاو جریانیدن نظارت قیلیش بولگن و اولر سیلاولر کمیسیونی تامانیدن ارایه ایتیلگن میکانیسمنی ییترلی ایمس دییدی.
.jpg)
سیاسی حزبلر و نظارت قندهی بولیشی
سیلاولر ایرکین کمیسیونینینگ معلوم قیلیشیچه، نمایندهلر کینگشینینگ سیلاوی 21 مینگ محل شامل 5100 آواز بیریش مرکزده یولگه قوییلهدی. مملکت بویلب سیلاو جریانیدن نظارت قیلووچیلر و گواهلرنینگ سونگی رقمی کیلهجک هفته بیللی بولیشی ممکن.
کورینیشیچه، سیاسی حزبلرنینگ ایستکلریدن بیری قبول بولگنیدن سونگ، بو جریاندن نظارت قیلیش اوچون اونچهلیک علاقه کورستمهیدی. عدلیه وزیرلیگی آرقهلی رسمی شکلده رویخطگه آلینگن 72 حزب آرهسیدن حاضرگچه یالغیز 12 حزب سیلاو جریانیدن نظارت قیلیش ایشانچنامهسینی قولگه کیریتگن.
سیلاولر ایرکین کمیسیونیدن سلاموطندارگه ییتیشگن معلومات اساسیده، افغانستان خلقینینگ اسلامی وحدت حزبی، افغانستان اسلامی وحدت حزبی، افغانستان ملی پیوند حزبی، افغانستان جمهوریتچیلر حزبی، ملت بیدار حزبی، افغانستان رواجلنتیریش حزبی، افغانستان خلقینینگ برابرلیک حزبی، افغانستان ملی رفا حزبی، افغانستان محاذ ملی حزبی و افغانستان ملی انسجام حزبی ایشانچنامه قولگه کیریتگنلر و باشقه حزبلرگه ایشانچنامه قولگه کیریتیش اوچون کیلهجک هفتهنی دوشنبه کونی گچه مهلت بیریلگن.
افغانستانده جمعیتی کوپ سیاسی حزبلر صفتیده تانیلگن جمعیت اسلامی و اسلامی حزب حاضرگهقدر ایشانچنامه قولگه کیریتمهگن. حکمتیار رهبرلیگیده بولگن اسلامی حزب نینگ عدلیه وزیرلیگیده حزب صفتیده رسمی جوازی بولمهگنی باعث، کمیسیوندن ایشانچنامه قولگه کیریتهآلمهیدی.
سلاموطندارگه صحبت بیرگن جمعیت اسلامی کینگشینی رهبرلیک اعضاسی نور رحمان اخلاقینینگ ایتیشیچه، سیاسی حزبلرنینگ آرهسیده سیلاو جریانیدن نظارت قیلیش علاقهسی آز کورینهدی. جناب اخلاقی گه کوره، سیلاو جریانیدن نظارت قیلیش اوچون سیاسی حزبلرنینگ منسجم ریجهسی یوق دیر. اخلاقینینگ کوپهیتیریشیچه، سیلاو جریانی حزبلرگه تیگیشلی نامزدلر آرقهلی فردی شکلده نظارت قیلینیشی ممکن. بیراق، سیاسی حزبلرنینگ قراری اساسیده، بایومتریک آرقهلی آواز بیرووچیلرنینگ معلوماتی توپلنگن سیلاولر ایرکین کمیسیونینینگ مرکزی سروریدن قوشمه شکلده نظارت قیلهدیلر.
بیراق، افغانستان خلقینینگ اسلامی وحدت حزبینی اعضاسی محمد ناطقی، بو توغریده باشقچه فکر بیلدیرهدی. ناطقی گه کوره، سیاسی حزبلر سیلاو جریانیدن نظارت قیلیش اوچون مملکت ولایتلرینی نیچه دسته گه تقسیم قیلگنلر و بو جریاندن قوشمه شکلده نظارت قیلهدیلر. ناطقینینگ ایتیشیچه، بو روشده هر حزب نفوذی بولگن منطقهنی نظارت قیلهدی. ناطقینینگ ایشانچی گه کوره، «سیلاولر ایرکین کمیسیونی سُست بولگن» و بو اداره وقتی بیلن ایشلرینی عملگه آشیرهآلمهگن.
.jpg)
بیراق، سلاموطندارگه صحبت بیرگن سیلاولر ایرکین کمیسیونی سوزلاوچیسی حفیظالله هاشمینینگ ایتیشیچه، کیلهجک هفته یکشنبه کونی سیلاو جریانیدن نظارت قیلیش قندهیلیگی توغریسیده سیاسی حزبلرنینگ نمایندهلر و کمیسیون آرهسیده بحث اوتکزیلیشی خصوصیده قرار قیلینگن. هاشمی گه کوره، سیلاولر ایرکین کمیسیونی قانون اساسیده حزبلرنینگ ایستکلریگه ایجابی جواب بیرهدی.
عین حالده، فیفا اجراییه باشلیغی یوسف رشیدنینگ ایتیشیچه، سیاسی حزبلر اوزاق منطقهلرده سیلاودن نظارت قیلیش توغریسیده اونچهلیک قیزیقمهیدی. رشیدگه کوره، سیاسی حزبلر مرکزگه کوز تیککن.
سیلاو عمومی شکلده نظارت قیلینمهسی توغریسیده خواطر تاپیلگن
سیلاولر ایرکین کمیسیونینینگ حقوق بولیمی باشلیغی جعفرعلی نورینینگ ایتیشیچه، مذکور کمیسیوننینگ خواطرلریدن بیری مشخص محلهلر و مرکزلرده سیلاو جریانیدن نظارت قیلیش خصوصیده، رویخطگه آلینگن ادارهلر و نظارتچیلر ییتیشمهگنی دیر. جناب نوری گه کوره، اوتگن سیلاولردن قالگن تجریهلر اساسیده، نظارتچیلردن بیرقطاری، محلهلرگه بارمهیدیلر؛ عین حالده، محلدن ساختهکارلیک گزارشینی یوبارهدیلر. اونگه کوره، بو موضوع سیلاولر ایرکین کمیسیونینینگ اساسی قیینچیلیکلریدن بیری دیر و اولر برچه ادارهلر و جریانلردن ایشانچنامه قولگه کیریتیب و سیلاو جریانیدن یخشی بیر شکلده نظارت قیلیشلرینی طلب قیلهدی.
سلاموطندارگه صحبت بیرگن افغانستان ایرکین و عدالتلی سیلاو بنیادی یا-ده فیفا اجراییه باشلیغی یوسف رشیدنینگ ایتیشیچه، سیلاودن نظارت قیلووچی ادارهلر، سیلاو جریانیده شفافیت تأمین ایتیلمهسی توغریسیده خواطر بیلدیرهدی.
اونگه کوره، سیاسی حزبلر سیلاو جریانیدن نظارت قیلیش اوچون کوپلب جدیت کورستگن ایدی، لیکن حاضرگهقدر کوپینچهسی ایشانچنامه آلمهگن.
نمایندهلر کینگشینینگ سیلاوی یولگه قوییلیشیگه یالغیز 10 کون قالگن و کون اوتیشی بیلن سیلاو نامزدلرینینگ کمپاینلری قیزیق بولماقده. سیلاولر ایرکین کمیسیونی تامانیدن تعیین ایتیلگن زمان اساسیده، نمایندهلر کینگشینینگ سیلاوی 28- میزان ده یولگه قوییلهدی.
