سیلاو ایرکین کمیسیونی مسؤولری نینگ ایتیشیچه، مملکت نینگ 27 ولایتیده آوازلرنی قیته سنهش جریانی یکونلنگن و بو کمیسیون ایرته «پنجشنبه، 14- قوس» 6- میزان سیلاوی نینگ دستلبکی نتیجهسی اعلان ایتیلیشی خصوصیده بولگن قرارینی نهایی قیلهدی.
سلاموطندارگه صحبت بیرگن سیلاو ایرکین کمیسیونی سوزلاوچیلریدن بیری عالی افتخاری نینگ ایتیشیچه، 27 ولایت نینگ آوازلرینی قیته سنهش جریانی یکونلنگن و نتیجهسی سیلاو کمیسیونی نینگ رهبرلیگی گه یوباریلگن.
جناب افتخاری نینگ ایتیشیچه، سیلاو کمیسیونی نینگ رهبرلیگی ایرته سیلاونینگ دستلبکی نتیجهسی 7 ولایتدن ایری یا-ده 7 ولایت بیلن بیرگه اعلان ایتیلیشی خصوصیده، قرار قیلهدی.
بوگون «چهارشنبه» نمایندهلر کینگشی نینگ عمومی ییغینیده مذکور کینگش باشلیغی میررحمان رحمانی نینگ ایتیشیچه، سیلاو کمیسیونی و جمهورلیک ریاست سیلاوی نینگ نامزدلری آرهسیده بولگن قرهمه قرشیلیکلرگه نقطه قوییلیشی اوچون نمایندهلر کینگشی اعضالریدن بیر هیأت تشکیل ایتیلیشی کیرهک.
جناب رحمانی گه کوره، سیلاو تقویمی تکراری شکلده نقض ایتیلگنی، جنجللی قرارلر، آوازلرنینگ قیته سنهش جریانی توختهتیلگنی و سیلاو کمیسیونی بیلن نامزدلرنینگ قرهمه قرشیلیکلری، سیلاونی قانونی قولیدن چیقارگن.
سیلاو تیملری حاضرگهقدر بو توغریده فکر بیلدیرمهگن.
ایتیش کیرهک کیم، برقرارلیک و یقینلیک سیلاو تیمی نینگ طرفدارلری، نیچه کوندن بویان کابل، پروان، پنجشیر، جوزجان و غور ولایتلریده، سیلاو ایرکین کمیسیونی نینگ ساختهکارلیککه عیبلب ناراضیلیک بیلدیریب کیلیشگن.
شو توغریده…
