قندوز، لوگر، قندهار، بغلان، میدان وردک، هلمند و ننگرهار ولایتلریدن بولگن اعتراضچی نامزدلر 15 کوندن بویان کابل شهری زنبق تورت یولیده تحصن خیمه قورگنلر.
اعتراضچی نامزدلر، ولایتلریده اوتکزیلگن نمایندهلر کینگشی سیلاوی سونگی نتیجهسی اعلان ایتیلگنینی غیر مشروع دیب و دوسیهلر تیکشیریلیشی اوچون سیلاوگه خاص بیر محکمه ایجاد ایتیلیشی نی سورهگنلر.
اعتراضچی نامزدلرنینگ آگاهلنتیریشیچه، ایستکلریگه دقت قیلینمهگن صورتده، آچیلیک اعلان قیلهدیلر.
اعتراضچی نامزدلرنینگ شرطنامهسیده کیلیشیچه، نمایندهلر کینگشی سیلاوی نینگ سونگی نتیجهسی پولی معامله اساسیده، سیلاولر ایرکین کمیسیونلری تامانیدن اعلان ایتیلگن، بیراق سیلاولر شکایتلرینی تینگلش کمیسیون سوزلاوچیسی قاسم الیاسی نینگ ایتیشیچه، اعتراضچی نامزدلر ادعالرینی اثبات قیلیش اوچون حجت ارایه قیلیشلری کیرهک.
نمایندهلر کینگشی سیلاوی اوتگن قویاش ییل، 28- و 29- میزان ده یولگه قوییلیب و کوپینچه جنجللرگه سبب بولدی و یوتوققه ایریشگنلرنینگ رویخطی ده آتلری بولمهگن نامزدلر اعتراضلریگه دوام بیرگنلر.
