افغانستان بوییچه بیرلشگن ملتلر تشکیلاتی نینگ اورین باسرلیک هیأتی یا-ده یوناما بیرخبرنامه آرقهلی، جمهورلیک ریاستی نینگ دستلبکی نتیجهسی اعلان قیلینیشیدن حمایت قیلگن.
افغانستان بوییچه بیرلشگن ملتلر تشکیلاتی نینگ خاص نمایندهسی تدامیچی یاماموتونینگ ایتیشیچه، سیلاو کمیسیونلری نینگ قانون اساسیگه قرار قیلیشلری کیرهک.
یاماموتونینگ ایتیشیچه، جمهورلیک ریاستی نامزدلری خواطرلرینی سیلاو طرزالعمللری و چارچوبهسی اساسیده حل قیلیش اوچون سعی و حرکت قیلسینلر.
خبرنامهده کوپهیتیریلیشیچه، سیلاو شکایتلرینی تیکشیریش خصوصیده سیلاو شکایتلرینی تینگلش کمیسیونی مسوول دیر و شکایتلرنی جدی و تینیق شکلده تیکشیریشی کیرهک.
شونینگدیک، افغانستان بوییچه آمریکا ایلچیسی جان بس، جمهورلیک ریاستی سیلاوی نینگ دستلبکی نیتجهسی سیلاو ایرکین کمیسیونی تامانیدن اعلان ایتیلگنیدن منتدارلیک بیلدیرگن.
جناب بس نینگ تاکید قیلیشیچه، سیلاو نهایی نتیجهسینی تینق شکلده اعلان ایتیلیشی کیرهک.
بوگون "یکشنبه" جمهورلیک ریاستی سیلاوی نینگ دستلبکی نتیجهسی سیلاو ایرکین کمیسیونی تامانیدن اعلان ایتیلدی. سیلاو ایرکین کمیسیونی تامانیدن اعلان ایتیلگن نتیجهگه کوره، محمداشرف غنی 50.64% و عبدالله عبدلله 39.52% آوازنی قولگه کیریتگنلر.
