زابل ولایتی بوییچه سیلاولر ایرکین کمیسیونی مسوولی محمدهاشم درانی نینگ سلاموطندارگه ایتیشیچه، اوشبو ولایت یشاوچیلریدن 72 مینگ تهسی سیلاوده اشتراک قیلیش اوچون آتلرینی رویخط گه یازدیرگن ایدی، بیراق بو جملهدن 1800 عیال شامل 18 مینگ کیشی سیلاوگه اشتراک قیلگن.
جناب درانیگه کوره، زابل ولایتی نینگ اتغر تومنیده یالغیز اوچ کیشی آواز بیرگن و دایچوپان و خاکافغان تومنلریده سیلاو یولگه قویلمهگن.
اونینگ ایتیشیچه، امنیتی تهدیدلر باعث، اهالی کینگ شکلده سیلاوده اشتراک قیلمهگن.
زابل یشاوچیلریدن بیرقطاری نینگ ایتیشیچه، سیلاوده اشتراک قیلیش اوچون آتلرینی رویخط گه یازدیرگن ایدیلر، بیراق امنیتی قیینچیلیکلر سبب، سیلاوده اشتراک قیلمهگنلر.
زابل ولایتی بوییچه سیلاولر شکایتلرینی تینگلش کمیسیونی باشلیغی روحالله سیرت ایتیشیچه، حاضرگهقدر 19 شکایتنی رویخط گه آلگنلر و اولر جملهسیدن 5 تهسی شاهجوی تومنیگه تیگیشلی دیر.
زابل مملکت جنوبیده جایلشگن ناتینچ ولایتلردن بیری دیر و طالبان گروهی کینگ شکلده بو ولایتده فعالیت قیلهدی.
