بغلان ولایتیدن محلی بیر منبع نینگ ایتیشیچه، بوگون ایرتهلب نمایندهلر کینگشینینگ سیلاوی یولگه قوییلیشی بیلن قوراللی طالبلر نیچه تاماندن پلخمری شهری، مرکزی بغلان، برکه، تالهوبرفک تومنلری و مذکور ولایتنینگ باشقه نیچه منطقهسی اوستیگه هجوم قیلگنلر.
اوشبو منبع گه کوره، قوراللی طالبلر بغلان-کابل، بغلان-قندوز و بغلان-بلخ قتناو یوللرینی باغلهگن و مذکور گروهنینگ جنگریلری جادهلرگه چیققنلر.
باشقه بیر منبع نینگ ایتیشیچه، بغلان ولایتیده طالبلرنینگ هجومی باعث، نیچه آواز بیریش مرکز یاپیلگن.
اوشبو منبع گه کوره، قوراللی طالبلر حاضرگچه مرکزی بغلان تومنی اوستیگه 8 موشک آتگن و نتیجهده بیر کیشی هلاک و باشقه 2 کیشی یرهلنگن.
شونینگدیک، پلخمری شهری بوگون ایرتهلب طالبلر تامانیدن آتیلگن نیچه هوان گه گواه بولگن.
قوراللی طالبلر اوتگن کون برکه تومنیدن سیلاو نظارتچیلری بولگن 5 کیشینی اوغیرلگن ایکن و اولردن 30 تهسینی قوییب یوبارگن و باشقه 20 تهسی حاضرگچه اولرنینگ قمراویده دیر.
