افغانستانده نمایندهلر کینگشینینگ سیلاوی یولگه قوییلیشی بیلن ننگرهار، کنر و لغمان ولایتلریده ایریم واقعهلر نتیجهسیده 30 کیشی یرهلنگن.
آتی فاش ایتیلیشینی ایستمهگن بیر منبع نینگ سلاموطندارگه ایتیشیچه، ننگرهار ولایتینینگ کوت، کامی و سرخرود تومنلریده 2 کیشی هلاک و باشقه 14 کیشی یرهلنگن.
باشقه تاماندن، کنر ولایتی کسلخانهسی باشلیغی عزیزالرحمان ساپینینگ ایتیشیچه، مذکور ولایتده یوز بیرگن ایریم واقعهلر نتیجهسیده 10 کیشی یرهلنگن و اولردن 2 تهسی عیال و 2 تهسی محلی پولیس دیر.
عین حالده، لغمان ولایتیده آواز بیریش بیر مرکز یقینیده یوز بیرگن ماین پارتلشده 6 کیشی یرهلنگن.
شونینگدیک، نورستان ولایتیدن کیلگن خبرگه کوره، مذکور ولایتنینگ وانت وایگل تومنیده بیر پارتلش یوز بیرگن؛ بیراق قربانلیگی توغریسیده هیچ بیر خبر ترقهتیلمهگن.
.jpg)
عین حالده، مذکور ولایتنینگ دوآب و مندول تومنلریده سیلاو یولگه قوییلمهگنی ایتیلگن.
بوندن آلدین، قوراللی طالبلر آواز بیریش جریانی برهم اورولیشیدن خبر بیرگن ایدی؛ بیراق اوتگن کیچه ننگرهار ولایتینینگ کوت تومنیده داعش گروهی شبنامه ترقهتیب سیلاو جریانینی برهم اوروشدن خبر بیرگن.
شوندهی بیرحالده، مذکور ولایت اهالیسینینگ ایتیشیچه، بو موضوعلر اولرنینگ آواز بیریشی گه توسیق بوله آلمهیدی.
لیکن، مذکور ولایتنینگ اهالیسی سیلاو موادی ییتیشمهگنی، بایومتریک سیستمهسیدن فایدهلنیشنی سیلاو ایشلاوچیلری بیلمهسی و آواز بیرووچیلرنینگ رویخطی یوقلیگیدن شکایت قیلگنلر.
