.jpg)
لوگر ولایتیده نمایندهلر کینگشی سیلاوینینگ نامزدلریدن بیرقطارینی سلاموطندارگه ایتیشیچه، نامزدلردن بیرقطاری دولت امکانیتلریدن اوز منفعتلری اوچون فایدهلنهدی. اولرنینگ ایتیشیچه، دولت مسووللریدن بیرقطاری، نامزدلردن حمایت قیلهدی.
نمایندهلر کینگشی سیلاوینینگ نامزدلریدن بیری عبدالرازقنینگ ایتیشیچه، لوگر ولایتیده قطار نامزدلر قوم و دوستلرینینگ کوچیدن فایدهلنیب و دولت امکانیتلریدن اوز منفعتلریگه قولنهدی.
نامزدلردن باشقه بیری عازی احمدزینینگ ایتیشیچه، قطار نامزدلر دولت امکانیتلریدن کمپاینلری اوچون فایدهلنهدی.
اوشو نامزدلر، جمهورلیک ریاستی و سیلاولر ایرکین کمیسیونیدن کمپاینلری اوچون دولت امکانیتلریدن فایدهلنگن نامزدلرنینگ قانونگه تانیتیشینی سورهیدیلر.
لوگر ولایتیده سیلاولر ایرکین کمیسیونینینگ مسووللری اوشبو ادعالر خصوصیده معلومات بیرمهیدی؛ بیراق لوگر حاکمینینگ سوزلاوچیسی شمشاد لاروزینینگ ایتیشیچه، بیللی نامزدلر منفعتیگه فعالیت قیلگن دولت ایشلاوچیسی عدلی و قضایی نهادلرگه تانیتیلهدی.
سیلاو قانونیگه کوره، سیلاو نامزادلریگه دولت امکانیتلریدن اوز منفعتلری اوچون فایدهلنیش حقی یوق دیر.
