تخار ولایتیده نمایندهلر کینگشی سیلاوینینگ اعتراضچی نامزدلری و طرفدارلری، بوگون ایرتهلب مذکور ولایت حاکمینینگ دفترینی برابریده تحصن خیمه قورگنلر.
اعتراضچیلر سیلاولر ایرکین کمیسیونلری و حکومت گه قرشی شعار بیریب تخار ولایتیده نمایندهلر کینگشی سیلاوینینگ آوازلری قیته سنهلیشی و بو ولایتده سیلاولر کمیسیونینینگ ولایتی دفترینی مسؤوللریدن وظیفهلریدن چیکلنتیریلیب و جزالنتیریلیشلرینی سورهگنلر.
اعتراضچی نامزدلرنینگ ایتیشیچه، بایومتریک ایتیلمهگن آوازلرنی بایمتریک ایتیلگن آوازلردن اجرهتیلیشی کیرهک.
اولرنینگ ادعا قیلیشیچه، تخار ولایتیده نمایندهلرکینگشی سیلاویده کینگی شکلده ساخته کارلیک صورت تاپگن.
اوشبو نامزدلرنینگ طرفدارلری، نیچه کون آلدین تخار ولایتیده سیلاولر کمیسیونلرینینگ ایشیگینی باغلهگن ایدیلر.
عینحالده، تخار حاکمینی سوزلاوچیسی جواد هجرینینگ ایتیشیچه، محلی حکومت نامزدلر برابریده بولگن مسوولیتینی انجام بیرگن و سیلاولر کمیسیونلریگه دخالت قیلیش حقلری یوق دیر.
اعتراضچیلرنینگ ایتیشیچه، ایستکلریگه دقت بولمهگن صورتده، اعتراضلرینی کینگ شکلده دوام بیرهدیلر.
