افغانستان جمهورلیک ریاست سیلاوی یولگه قوییلیشی گه بیر کون قالگن و سیلاو ایرکین کمیسیونی مسؤوللری نینگ ایتیشیچه، حاضرگهقدر 229 تومن گه سیلاو ملزمهلری انتقال بیریلگن.
مذکور کمیسیون سوزلاوچیسی ذبیحالله سادات نینگ ایتیشیچه، باشقه 116 تومن گه بوگون آقشام گچه سیلاو ملزمهلری انتقال بیریلیشی ممکن.
بامیانده سیلاو کمیسیونی نینگ ولایتی دفتری باشلیغی قاسم قسیم نینگ ایتیشیچه، مذکور ولایتده 220 آواز بیریش مرکز موجود و جمهورلیک ریاست سیلاویده اشتراک قیلیش اوچون 171 مینگ و 702 کیشی رویخطگه آلینگن.
نورستان ولایتیده سیلاو کمیسیونی نینگ ولایتی دفتری باشلیغی شاهجهان سرداری نینگ ایتیشیچه، بو ولایتده 54 آواز بیریش مرکز موجود و بو جملهدن 32 مرکز عادی شکلده فعالیت قیلهدیلر و باشقه 22 مرکز یوقاری و اورته امنیتی تهدید آستیده دیر.
کنر ولایتیده سیلاو ایرکین کمیسیونی نینگ ولایتی دفتری باشلیغی امید زهیرنینگ ایتیشیچه، بو ولایتده 110 آواز بیریش مرکز موجود و بو جملهدن 16 مرکز یوقاری امنیتی تهدید و باشقه 20 مرکز اورته امنیتی تهدید آستیده بولگن.
جناب زهیرنینگ ایتیشیچه، کنرنینگ بوتون تومنلریگه سیلاو ملزمهلری ییتیشگن و عیاللرگه خاص آواز بیریش محللرده هم عیاللر ایشلاوچیلر تعیین ایتیلگن.
ننگرهار ولایتیده سیلاو ایرکین کمیسیونی نینگ ولایتی دفتری باشلیغی ذبیحالله وگری نینگ ایتیشیچه، ننگرهارده 395 آواز بیریش مرکز موجود و بوتون مرکزلر سیلاو کونیده آچیق بولهدی.
جناب وگری نینگ ایتیشیچه، تومنلردن بیرقطاری گه سیلاو ملزمهلری انتقال بیریلگن و باشقه بیرقطار تومنلرگه ایرته گچه انتقال بیریلهدی.
ننگرهار ولایتیده 900 مینگ کیشی سیلاوده اشتراک قیلیش اوچون رویخطگه آلینگن.
شونینگدیک، قندوز ولایتیده سیلاو ایرکین کمیسیونی نینگ عامهنی آگاهلنتیریش مدیری حمیدالله بلوچ نینگ ایتیشیچه، بو ولایتده 98 آواز بیریش مرکز موجود و بو جملهدن 68 مرکزده امنیتی کوچلر جایلشگن.
جناب بلوچ گه کوره، تومنلرنینگ مرکزلریگه سیلاو ملزمهلری ییتیشگن و ایرته گچه آواز بیریش محللرگه انتقال بیریلهدی.
قندوز ولایتیده سیلاوده اشتراک قیلیش اوچون 192 مینگ و 442 کیشی رویخطگه آلینگن.
تخار حاکمی عبدالحق شفق نینگ ایتیشیچه، تخارده 247 آواز بیریش مرکز موجود و بو جملهدن 163 مرکز سیلاو کونیده عادی شکلده فعالیت قیلهدی، 27 مرکز اورته امنیتی تهدید آستیده و باشقه 14 مرکز یوقاری امنیتی تهدید آستیده بولگن.
جناب شفق نینگ ایتیشیچه، 43 آواز بیریش مرکزده سیلاو یولگه قوییلمهیدی.
جناب شفق گه کوره، تخار ولایتیده عیاللرگه خاص آواز بیریش محللر اوچون 426 عیال ایشلاوچی تعیین ایتیلگن. تخار ولایتی نینگ درقد تومنیده سیلاو یولگه قوییلمهیدی.
غزنی ولایتیده سیلاو کمیسیونی نینگ ولایتی دفتری باشلیغی بصیر مومندنینگ ایتیشیچه، سیلاو ملزمهلری تومنلرنینگ مرکزلریگه ییتیشگن و ایرته آواز بیریش محللرگه انتقال بیریلهدی.
جناب مومندگه کوره، یالغیز ده یک تومنی گه سیلاو ملزمهلری ییتیشمهگن و ایرته خوفسیزلیک کوچلری نینگ همکارلیگی بیلن بو تومن گه هم ملزمهلر ییتکیزیلهدی.
جناب مومندنینگ ایتیشیچه، غزنی ده 49 مرکز اورته امنیتی تهدید آستیده و باشقه 134 مرکز تینچ دیر.
سیلاو ایرکین کمیسیونی مسؤوللری نینگ ایتیشیچه، جمهورلیک ریاست سیلاوی اوچون 5 مینگ و 373 آواز بیریش مرکز موجود و بو جملهدن 431 مرکز یاپیق قالهدی.
سیلاو ایرکین کمیسیونی نینگ مسؤوللریگه کوره، جمهورلیک ریاست سیلاوی اوچون 9.6 میلیون کیشی رویخطگه آلینگن.
