بیرلشگن ملتلر تشکیلاتی نینگ کابلدهگی سیاسی دفتری یا-ده یوناما بیرخبرنامه آرقهلی، سیلاو ایرکین کمیسیونلریدن رسمی و قانونی بیر نهاد صفتیده حمایت قیلگن.
یوناما نینگ توییتری بیر پیام آرقهلی ایتیشیچه، بایومتریکلی آوازلرگه اعتبار بیریلیشی خصوصیده سیلاو ایرکین کمیسیونی و سیلاو شکایتلرینی تینگلش کمیسیونی قراریدن حمایت قیلهدی.
سونگی پیتلرده جمهورلیک ریاستی نامزدلریدن بیرقطاری، افغانستان بوییچه بیرلشگن ملتلر تشکیلاتی دفتری نینگ بایومتریکلی یا-ده بایومتریک ایتیلمهگن آوازلرگه اعتبار بیریلیشی خصوصیده جیم تورگنینی ایتگن ایدیلر.
سیلاو ایرکین کمیسیونی و سیلاو شکایتلرینی تینگلش کمیسیونی نینگ ایتیشیچه، «بایومتریک» ایتیلگن آوازلر قیزیل چیزیغی دیر و جمهورلیک ریاستی سیلاویده یالغیز بایومتریک ایتیلگن آوازلرگه اعتبار بیریلهدی.
جمهورلیک ریاستی سیلاوی 6 میزانده یولگه قوییلدی. اوشبو سیلاوده ساختهکارلیککه توسیق بولیش اوچون بایومتریک اسکونهلریدن ایش آلینگن، بیراق بیرقطار مرکزلرده بایومتریک اسکونهلری نینگ فعال بولمهگنیدن تنقید ایتیلگن.
